https://t.me/namskiyulus
Нам улууһугар хортуоппуй уонна оҕуруот аһын үүннэриитинэн дьарыктанар бааһынай хаһаайыстыбаларга уонна производственнай кооперативтарга билигин саамай түбүктээх, былдьаһыктаах хомуур үлэтин кэмэ.
Тыа хаһаайыстыбатын управлениетын кылаабынай агронома Сардана Новгородова:
— Билигин хаһаайыстыбалар
— бары күүһү хортуоппуй, моркуоп, сүбүөкүлэ хомууругар ууран үлэни ыыта сылдьаллар. Арыый хойутуу хаппыыста хомуура саҕаланыаҕа. Быйыл үүнүү үчүгэй диэххэ сөп.
Балаҕан ыйын 16 күнүнээҕи туругунан 341 гектар бааһынаҕа хортуоппуй хомулунна. Мантан 142 га иэннээх бааһынай хаһаайыстыбалар сирдэрэ. Үчүгэй көрдөрүүлээх Александр Жирков 1 га 150 ц. хортуоппуйу хомуйан иһэр.
Хаһаайыстыбаларга Дьокуускайдааҕы промышленнай техникум, Арктическай государственнай агротехнологическай университет студеннара, Н.С.Охлопков аатынан улуустааҕы гимназия, И.С. Гаврильев аатынан 1 №-дээх Нам орто оскуолатын үөрэнээччилэрэ дуогабар быһыытынан көмөлөһө сылдьаллар. Бу нэдиэлэттэн нэһилиэктэр оскуолаларын улахан кылаас үөрэнээччилэрэ уонна И.Е. Винокуров аатынан педколледж студеннара көмөҕө тахсыахтара.
Хомуурга үлэлиэн баҕалаах дьон улуустааҕы тыа хаһаайыстыбатын управлениетын кытта 41-2-82 телефонунан, эбэтэр олорор сиргитинэн олохтоох дьаһалта тыа хаһаайыстыбатын специалиһын кытта билсэн дуогабарынан хомуурга үлэлииргитигэр ыҥырабыт – диэн кэпсээтэ.
«Нам улууһа” МО пресс-сулууспата
Саха омук мусукаалынай култууратыгар уһулуччулаах кылааты киллэрбит композиторбыт, Кэбээйи улууһуттан төрүттээх Захар Степанов төрөөбүтэ 95…
Саха сирин олохтоохторо уонна улуус дьаһалталара байыаннай дьайыыга сылдьар биир дойдулаахтарыгар өрүү көмөлөһөллөр. Бу өйөбүл…
«Тута» позывнойдаах Арассыыйа Дьоруойун Андрей Григорьевы СӨ мас-рестлиҥҥэ федерациятын бочуоттаах чилиэнинэн уонна вице-бэрэсидьиэнинэн таллылар. Дастабырыанньаны…
Бу сыл сааскы-сайынҥы кэмигэр «Нерюнгри аэропорда» филиалга саҥа маршрут арыллар диэн СӨ Тырааныспарга уонна суол…
Кэлиҥҥи кэмҥэ агро-оскуолалар эбии үөрэхтээһин хайысхатын таба туһанан, бэйэ бородууксуйатын оҥорон таһаарыыга, оҕону урбаан салаатыгар…
Икки сыл анараа өттүгэр, 2024 сыл олунньу 15 күнүгэр, Арассыыйа Федерациятын Бэрэсидьиэнин Ыйааҕынан байыаннай иэһин…