Намҥа лааҕыр дьаарбаҥкатыгар 200-тэн тахса төрөппүт сырытта
Сотору кэминэн үөрэх дьыла түмүктэнэн хас биирдии төрөппүт оҕотун сайыҥҥы сынньалаҥын туһунан толкуйдуур буолуохтаах. Саха сирин үрдүнэн оҕо сайыҥҥы сынньалаҥын туһалаахтык атаарарыгар араас хабааннаах лааҕырдар тэриллиэхтэрэ.
Оттон Нам улууһугар 25 лааҕыр үлэлиирэ былааннанар, ол иһигэр 18 күнүскү уонна 7 хонуктаах лааҕырдар. Бу туһунан Нам улууһун дьаһалтатын пресс-сулууспата иһитиннэрэр. Нам улууһугар оҕо лааҕырын дьаарбаҥката 2017 сыллаахтан ыытыллар. Манна сайыҥҥы сынньалаҥы тэрийиигэ уонна доруобуйаны чэбдигирдиигэ араас хабааннаах күнүскү, хонуктаах лааҕырдар бэрэстэбиитэллэрэ кэлэн төрөппүттэргэ бэйэлэрин үлэлэрин билиһиннэрдилэр. «Мин оҕобор сөптөөх, барсар», – дии санаабыт төрөппүттэр оҕолорун араас хабааннаах лааҕырдарга суруттардылар. Уопсайа тэрээһиҥҥэ 200-тэн тахса төрөппүт көхтөөх кыттыыны ылла.
Дьаарбаҥка кыттыылаахтара бэлиэтииллэринэн, улууска, өрөспүүбүлүкэҕэ, тас да куораттарга үлэлиир лааҕырдар тустарынан биир сиргэ кэлэн истэр-билэр бэрт туһалаах уонна көдьүүстээх.
Владимир Путин иһитиннэрбитинэн, дьиэ кэргэн институтун сайыннарыы, ийэ, аҕа оруолун үрдэтии, оҕоҕо харыстабыллаахтык сыһыаннаһыы, демография бырагыраамалара, дьиэ кэргэн үгэһин көлүөнэттэн көлүөнэҕэ тиэрдии барыта судаарыстыба сүрүн боппуруостара буолаллар.
Сообщить об опечатке
Текст, который будет отправлен нашим редакторам: