Намҥа массыына умайда

От ыйын 3 күнүгэр 14:55 баһаарынай-быыһыыр сулууспаҕа Нам улууһун Ымыйахтаах сэлиэнньэтин Эриэҥкэй диэн сиригэр массыына умайбытын туһунан иһитиннэрии киирбит.

Быһылаан тахсыбыт сиригэр дьоҕус баһаарынай чаас тиийбит. Кинилэр тиийэллэригэр уоту умуруорбуттар. Быһылаан түмүгэр эчэйии ылбыт киһи суох, массыына бүтүннүүтэ умайбыт. Баһаар тахсыбыт төрүөтүн уонна буруйдаахтары, хоромньу тахсыытын быһаараллар.

Уоту умуруорууга 2 киһи уонна 1 тиэхиньикэ кытынна.