«Нам улууһа» МТ пресс-сулууспата
Сэтинньи 4 күнүгэр Арассыыйа, Саха сирин сүүрүүгэ спорт маастара, спорт бочуоттаах ветерана, Нам улууһун, Модут нэһилиэгин бочуоттаах олохтооҕо, комсомол ветерана Ион Ионович Васильев көҕүлээһининэн, Модут — Хатырык хайысхатынан 16 км сүүрүү бэһис төгүлүн ыытылынна.
Сүүрүү арыллыытын үөрүүлээх миитинэ сарсыарда 11 чааска Модут уонна Бөтүҥ нэһилиэктэрин кыраныыссатыгар ыытылынна. Марафон мантан саҕаланан, Хатырыкка, М.К. Аммосов аат. СӨ Судаарыстыбаннаһын историятын түмэлигэр түмүктэннэ.
Хатырыкка тиийэн сүүрүктэр уһулуччулаах судаарыстыбаннай уонна политическай деятель М.К. Аммосов пааматынньыгар сибэкки дьөрбөтүн уурдулар.
Тэрээһин Модут уонна Хатырык нэһилиэктэрин «Доруобай нэһилиэк» бырайыактарын чэрчитинэн СӨ физкультурнай хамсааһын 100, Комсомол 105 сылларыгар ананна.
Уопсайа 26 спортсмен — ветераннарга Арассыыйа спордун маастардара, аан дойду, Арассыыйа, өрөспүүбүлүкэ суукканан сүүрүүгэ, марафон араас көрүҥүгэр күрэхтэһиилэрин кыайыылаахтара, Дьокуускайтан, Нам улууһун «Стайер» сүүрүүнү таптааччылар кулууптарыттан — көхтөөх кыттыыны ыллылар.
Марафон үөрүүлээх сабыллыыта М.К. Аммосов аатынан СӨ Судаарыстыбаннаһын историятын түмэлигэр ыытылынна. Тэрээһин кыттыылаахтарын Нам улууһун Депутаттарын Сэбиэтин председателэ Алексей Винокуров, улуустааҕы спорт уонна физическэй культура управлениетын начальнига Павел Иванов, сүүрүү тэрийээччитэ Ион Васильев, Хатырык нэһилиэгин баһылыга Юрий Дьяконов, Модут нэһилиэгин баһылыга Ефим Гоголев, улуус коммунистарын салайааччыта Василий Алексеев, Дьокуускайдааҕы «Стайер» кулууп салайааччыта Иннокентий Федоров эҕэрдэлээтилэр уонна наҕараадалары туттардылар.
Сүүрүү кыайыылаахтарыгар, бары кыттыылаахтарыгар Нам улууһун физическэй культураҕа уонна спорка управлениета, улуус коммунистара, «Модут нэһилиэгэ» МТ дьаһалтата туруорбут мэтээллэрэ, грамоталара, бэлэхтэрэ уонна сертификаттара туттарылыннылар.
Тыл этээччилэр Ион Васильев чөл олоҕу тарҕатыыга улахан кылаатын, ыччакка холобур буолар спорка бэриниилээх үлэтин, күрэхтэһии сыл аайы таһыма үрдээн, кыттааччыта элбээн иһэрин бэлиэтээн эттилэр.
«Нам улууһа» МТ пресс-сулууспата
Нам сэлиэнньэтин Уопсастыбанньыктар дьиэлэригэр бойобуой дьайыылар бэтэрээннэрин икки ардыларыгар корнхолга бастакы турнир ыытылынна. «Тохсунньу томороон…
Тымныы күн-дьыл турбутунан, Горнай, Нам, Хаҥалас уонна Чурапчы улуустарыгар муниципалитеттар икки ардыларынааҕы оптуобус сырыыта быстах…
«Буратино» киинэ уопсай хомуура 1,5 млрд солкуобайы куоһарда. Бу Киинэ пуондатын Биир кэлим автоматизированнай информационнай…
sakha-sire.ru саайт «Кэпсээннэ истиэҕиҥ» диэн бырайыагар «Саха сирэ» хаһыат суруналыыһа, суруйааччы Ангелина Васильева-Дайыына "Тайах оҕото"…
Өрөспүүбүлүкэҕэ эми-тому атыылаһыыга уонна тарҕатыыга сыһыаннаах эмп-том хааччыйыытын ньымалара тохсунньу 9 күнүгэр СӨ Ил Дархана…
Ньурба улууһугар полиция үлэһиттэрэ Саҥа дьыл түүнүгэр тыаҕа муммут уонна суолга хаарга хаайтарбыт массыыналаах ыалга…