Намҥа саҥа эмтиир куорпус тутуллар

Бэҕэһээ, атырдьах ыйын 6 күнүгэр, СӨ Доруобуйаҕа харыстабылын миниистирэ Лена Афанасьева Нам улууһугар  үлэлээтэ.

Миниистир Нам киинигэр тутулла турар эмтиир куорпус тутуутун хаамыытын билистэ. Бу суолталаах эбийиэк дойду бэрэсидьиэнэ Владимир Путин көҕүлүүр «Уһун уонна көхтөөх олох» национальнай бырайыагын чэрчитинэн тутуллар.

Доруобуйа харыстабылын миниистирин кытта улуус баһылыга Юрий Слепцов, тутуу  бэдэрээччитэ «А-Капитал» генеральнай дириэктэрэ Сергей Лыткин, улуус баһылыгын бастакы солбуйааччы Анатолий Павлов, улуус баһылыгын солбуйааччы Егор Протопопов,   улуус кылаабынай бырааһа Ариан Сергеев үлэлэстилэр.

Саҥа эбийиэк ыарыһахтары эмтээһин уонна медперсонал үлэтин усулуобуйатын тупсарыаҕа, ону тэҥэ мэдиссиинэ көмөтүн үрдүк хаачыстыбалаахтык оҥорорго кыах биэриэҕэ.

Сиһилии https://t.me/namskiyulus/61193?single сигэнэн көр.