«Нам улууһа» МТ пресс-сулууспата
Бүгүн, ахсынньы 15 күнүгэр, Нам киинигэр «Хаарбах уонна саахалланар туруктаах дьиэттэн дьону көһөрүү» бырагырааманан 4 кыбартыыралаах дьиэ үөрүүлээх аһыллыыта буолла.
76-с нүөмэрдээх Ленскэй уулуссаҕа уопсайа 178,26 кв.м иэннээх саҥа таас дьиэни Мичил Николаев генеральнай директордаах «Стройунисерсал» ХЭТ тутан үлэҕэ киллэрдэ. Аалай лиэнтэни улуус баһылыга Юрий Слепцов, Ленскэй нэһилиэк баһылыга Петр Сокольников, «Стройуниверсал» ХЭТ кылаабынай инженерэ Павел Степанов уонна саҥа дьиэ хаһаайына Светлана Иванова быстылар. Үөрүүлээх тэрээһиҥҥэ алгысчыт Владимир Сыромятников алгыс сиэрин-туомун толордо.
Юрий Иннокентьевич эҕэрдэ тылын этэн туран, дойду Аҕа баһылыга Владимир Путин көҕүлээһининэн маннык бырагыраама үлэлиир буолан дьоммут-сэргэбит олохторун уйгута, олорор дьиэлэрэ тупсар диэн бэлиэтээтэ.
Бу дьиэҕэ Нам сэлиэнньэтин уонна Арбын нэһилиэгин олохтоохторо киирдилэр. Ол кэнниттэн сэрэбиэй быһыытынан хаһаайыттар күлүүстэрин туттулар. Салгыы эҕэрдэ тылларын Ленскэй нэһилиэк баһылыга Петр Григорьевич, Арбын нэһилиэгин баһылыгын э.т. Игорь Гоголев, «Стройуниверсал» ХЭТ кылаабынай инженерэ Павел Степанов эттилэр. Саҥа дьиэ хаһаайына Ольга Иванова үөрэн-көтөн туран махтал тылын тиэртэ.
Биир дойдулаахтарбытыгар Саҥа дьылы көрсө саҥа дьиэҕэ киирбиттэринэн истиҥ эҕэрдэбитин тиэрдэбит, нус-хас олоҕу баҕарабыт!
«Нам улууһа» МТ пресс-сулууспата
Хотугу Муустаах муора кытыла барыта хаарбах тимиринэн, уматык буочукаларынан, быраҕыллыбыт бөҕүнэн туола сытар диэн Арктика…
Халыма-Индигиир биир мандааттаах быыбардыыр уокурукка норуодунай дьокутаат быыбарыгар билиҥҥитэ 9,35% быыбардааччы кытынна. Аллайыаха, Аллараа Халыма,…
М.К.Аммосов аатынан Хотугулуу-Илиҥҥи федеральнай университекка үөрэххэ туттарсыы сүрүн хампаанньата бүттэ. Ааспыт нэдиэлэтээҕи туругунан, барыта 5000-тан…
Аныгы үйэ буолан, кэлиҥҥи кэмҥэ социальнай ситимнэри аны блогер оҕолор “ылан” кэбистилэр. Ол эрэ буолуо…
Бүгүн, балаҕан ыйын 8 күнүгэр, Саха сиригэр 8 чаастан Арассыыйа Өрөгөйүн ырыатынан куоластааһын ыытыллар 176…
Төрөөбүт күҥҥүнэн, Дьокуускай! Дьокуускай -- биһиги өрөспүүбүлүкэбит тэбэр сүрэҕэ, манна устуоруйа уонна аныгы кэм, үгэстэр…