Хаартыска: “Нам улууһа” МТ пресс-сулууспата
Быйылгы Нам улууһун Үрүҥ тунах ыһыаҕын сонун тэрээһининэн Р.Е. Попов-Стахановец Роман аатынан саҥаны айааччылар түмсүүлэрин түһүлгэтэ буолла.
Быыстапканы улуустааҕы гимназия учуутала Андрей Романович Попов аҕата, рационализатор Попов Роман Егорович кэриэһигэр көҕүлээн ыытта.
Тэрээһиҥҥэ «Нам улууһа» МТ баһылыга Юрий Иннокентьевич Слепцов ыалдьыттаан эҕэрдэтин тиэртэ, кыттааччыларга махтал суруктары туттарда, инникитин быыстапка өссө кэҥээн, кыттааччыта элбээн иһиэн баҕарда.
Бу күн Нам улууһун саҥаны айааччылара оҥоһуктарын аан бастаан киэҥ эйгэҕэ таһаардылар.
Намтан Юрий Гаджиев икки вездеход массыынатын мустубут дьон олус диэн интэриэһиргээн, хайҕаан көрдүлэр. Бу техникалар докумуоннара барыта ситэн, билигин сүүрэ сылдьаллар.
Нам сэлиэнньэтиттэн Виталий Лукин вездеход массыынатын, Түбэттэн Аркадий Сивцев трициклын, о.д.а. оҥоһуктарын хаартыскалаан истиэндэ оҥорон көрдөрөн, дьон биһирэбилин ыллылар.
Намтан Рехлясов Роман кыһынын муус уонна хаар үрдүнэн, сайынын мотуор олордон уу устун айанныыр халыҥ пластигынан оҥоһуллубут оҥочото дьон кэрэхсибилин ылла.
Ыһыах дьоно техникалар тастарыгар туран астына хаартыскаҕа түстүлэр.
Тэрийээччилэр бары кыттыбыт дьоҥҥо махталларын тиэрдэллэр.
“Нам улууһа” МТ пресс-сулууспата
Балаҕан ыйын 8 күнэ. Ил Дархан өрөспүүбүлүкэ олохтоохторун Арассыыйа норуоттарын тылларын күнүнэн эҕэрдэлээтэ. «Төрөөбүт тылларбытын…
Сунтаар улууһун олохтооҕо хат итирик туруктаах массыынаҕа олорон сууттанна. Бу туһунан СӨ Борокуратуурата иһитиннэрдэ. Ол…
Мэҥэ Хаҥалас улууһун кыһалҕатын уонна кэскилин туһунан "Саха сирэ - Дьоруойдар сирдэрэ" бырагыраама кыттыылаахтара биллилэр.…
Кэнники сылларга Дьокуускай куоракка араас кыылы-сүөлү, хара, кыһыл саһыллары, тыҥырахтаах көтөрү, тииҥи көрбүттэрин, ааҕааччыларбыт хаартыскалаан…
Арассыыйаҕа сылын ахсын ыытыллар «Мисс Россия 2025» куонкуруска 90 тыһыынчаттан тахса сайаапка киирбит диэн ТАСС…
Нам улууһугар хортуоппуй уонна оҕуруот аһын үүннэриитинэн дьарыктанар бааһынай хаһаайыстыбаларга уонна производственнай кооперативтарга билигин саамай…