Намҥа сибээскэ тахсыбатах икки эр киһиэхэ быыһааччылар көмөлөстүлэр

Кулун тутар 24 күнүгэр   19:40 чааска СӨ Быыһыыр сулууспатыгар   Кэбээйи улууһун диэки погрузчик тиэхиньикэнэн айаннаабыт икки эр киһи,  ыйыллыбыт кэмигэр кэлбэтэхтэрин туһунан суһал иһитиннэрии киирбит.

Иһитиннэрии киирээтин кытары,  Быыһыыр сулууспа Түбэтээҕи хонтуруоллуур-быыһыыр поһун бөлөҕө  «MYL» снегоболотоходунан миэстэтигэр тиийбит.  Кулун тутар 25 күнэ үүнэр түүнүгэр быыһааччылар  сибээскэ тахсыбатах  дьону булбуттар.

Ол курдук эр дьон тиэхиньикэлэригэр уматыктара бүтэн,   кэмигэр төнүннүбэтэхтэр.  Кинилэр доруобуйаларын туруга этэҥҥэ, мэдиссиинискэй көмөҕө наадыйбатахтар. Быыһааччылар  погрузчигынан сылдьар эр дьону  Булуус сэлиэнньэҕэ диэри арыаллаабыттар.

СӨ Быыһыыр сулууспата нэһилиэнньэҕэ ыраах барыаххыт иннинэ күн-дьыл туругун учуоттааҥ, тиэхиньикэҕит туругун үчүгэйдик көрүнүҥ, халыҥ таҥаста, сибээс тэрилин  илдьэ барыҥ диэн сүбэлиир.