Намҥа сибиинньэ оҕолорун түҥэттилэр

Халаан уутуттан эмсэҕэлээбит дьоммут хаһаайыстыбаларын сөргүтэн үлэлэрин салгыы ыыталларыгар  өрөспүүбүлүкэ олохтоохторо күүс-көмө буолаллар.

-Бүгүн Нам улууһугар  Владислав Романов генеральнай директордаах Хатас сибиинньэ иитэр комплекса  80  сибиинньэни  аҕалла. Сибиинньэ оҕолорун Партизаҥҥа, Хамаҕаттаҕа, Иккис Хомустаахха, Аппааныга, Бөтүҥҥэ, Модукка, Хатырыкка, Маймаҕаҕа уонна Арбыҥҥа түҥэттилэр.  Чооскулары ылбыт дьон бэртээхэй туруктаах, үчүгэй эттээх-сииннээх сибиинньэлэр кэллилэр диэн үөрүүлэрин үллэстэллэр. Владислав Владимировичка уонна тэрилтэтигэр улахан махталбытын тиэрдэбит. Үтүөҕүт үтүөнэн эргийдин, — диэн «Нам улууһа» МТ пресс-сулууспата иһитиннэрдэ.

«Нам улууһа» МТ пресс-сулууспата