Хаартыска: sakha.gov.ru
Бу туһунан Саха сирин бырабыыталыстыбатын Бэрэссэдээтэлин солбуйааччы Анатолий Семенов иһитиннэрдэ.
Нам улууһугар халаан уутуттан үөрэх тэрилтэлэрэ, стационарнай суукканы эргиччи үлэлиир лааҕырдар эмиэ эмсэҕэлээбиттэрэ. Ордук куһаҕан туруктаахтарынан Маймагинскай нэһилиэгин оскуолата, оҕо уһуйаана, Хатырык нэһилиэгин оскуолата, Кобян нэһилиэгин «Эрэл» оҕо уһуйаана уонна Фрунзенскай нэһилиэгин оскуола-оҕо уһуйаана буолаллар.
Билигин СӨ Үөрэххэ министиэристибэтэ халаан уутун содулларыттан тахсыбыт хоромньуну сыаналыыр, ол кэннэ сөптөөх дьаһаллар ылыллыахтара.
«Биллэн турар, оҕолорго ураты болҕомто ууруллуоҕа. Кинилэр үгүстэрин дьиэлэрэ ууга былдьаммыта. Өйүүр биир сүрүн дьаһалынан, оҕолор сайыҥҥы лааҕырдарга, ол иһигэр «Бэс чагдаҕа» уонна Дьоҕус билим академиятын киинигэр сынньаныыны тэрийиэхпит. Нам улууһугар ОГЭ уонна БКЭ болдьоҕун кэмигэр ыытыллыахтара», — диэтэ Анатолий Семенов.
Эмсэҕэлээбит сэлиэнньэлэргэ суотабай сибээс өҥөтө уонна иһитиннэрэр тиһигэ штатнай эрэсииминэн үлэлииллэр. Нам улууһугар тахсыбыт быһыыны-майгыны хонтуруоллуурга СӨ Инновацияҕа миниистирин бастакы солбуйааччы Алексей Копытов үлэлиир.
Халаан уутун боппуруостарынан өрөспүүбүлүкэ олохтоохторо 122 нүөмэргэ эрийиэхтэрин сөп. Халаан уутуттан көмө ылар туһунан иһитиннэриини ыларга 122 нүөмэргэ эрийэҕит уонна эбии 8 кунуопканы баттыыгыт.
Санатан эттэххэ, Ил Дархан Айсен Николаев сорудаҕынан, Саха сирин бырабыыталыстыбатын бастакы солбуйааччы Дмитрий Садовников салалтатынан, халаан уутун содулларын туоратыыга бырабыыталыстыба бөлөҕө тэриллибитэ. Ыам ыйын 20 күнүгэр Саха сиригэр эрэгийиэннээҕи ыксаллаах быһыы-майгы эрэсиимэ биллэриллибитэ.
Госдуумаҕа «Сиэрдээх Арассыыйа— Кырдьык иһин» фракциятын дьокутааттара үлэ миниистирэ Антон Котяковка этии ыыттылар. Бэлиитиктэр сиэннэрин…
Арассыыйаҕа 60-тан үөһэ саастаах суоппардарга сыһыаннаах быраабылалары кытаатыннарарга этии киллэрдилэр. Бу туһунан 2030 сылга диэри…
Таатта улууһугар Ытык Күөлгэ "Манчаары оонньууларынан" бүгүн ыытыллыбыт хотугу дэгит күрэс кыайыылаахтара быһаарылыннылар. Хотугу дэгит…
РФ Үөрэҕириитин уонна билимин министиэристибэтигэр иһитиннэрбиттэринэн, үрдүк үөрэх саҥардыллыбыт тиһигин киэҥник киллэрии 2027–2028 үөрэх дьылыгар…
Саха сириттэн Арина Аулова «World russian Beauty-2025» Бүтүн Арассыыйатааҕы кэрэ куо куонкуруһугар «Эдэр мисс Арассыыйа-2025»…
Тааттаҕа күрэс төрүт көрүҥнэригэр "Манчаары оонньууларыгар" көрөөччүлэргэ, ыалдьыттарга соһуччу үөрүүлээх бэлэхтэр туттарыллан дьон-сэргэ үөрүүтэ үрдээн…