Намҥа таһаҕаһы тиэйэр массыына түҥнэстибит, суоппар эчэйбит

Ыам ыйын 18 күнүгэр «Нам» айан суолугар күнүс 12.00 чаас саҕана суол саахала тахсыбыт.

Трасса 55 км 1999 с.т. суоппар «FAW» мааркалаах таһаҕаһы тиэйэр массыынанан түргэн тэтимнээхтик айаннаан иһэн, суолтан туораан түҥнэстибит. Саахал түмүгэр суоппар Нам балыыһатын хирургическай отделениетыгар киирбит.

Бэрэбиэркэ кэмигэр кини В, В1,С,С1,М категориялаах суоппар дастабырыанньалааҕа, сыл устата суол быраабылатын 12 төгүл кэһиини таһаарбыта билиннэ. Саахал кэмигэр курунан баанан олорбута уонна арыгы испэтэҕэ быһаарыллыбыт. «Саахал тахсыбыт чахчытынан бэрэбиэркэ ыытыллар», — диэн Госавтоинспекция пресс-сулууспата иһитиннэрэр.