Хаартыска: Нам улууһун ЗАГС отдела.
Нам улууһугар өр сылларга эйэ дэмнээхтик, өйдөһөн-өйөһөн, күүстээх тапталынан кынаттанан олорбут ытык-мааны ыаллары чиэстиир үөрүүлээх тэрээһин буолла.
Ол курдук, Ленскэй нэһилиэктэн Ирина Ксенофонтовна Бугаева, Алексей Прокопьевич Чесноков эйэ-дэмнээхтик бииргэ олорбуттара 50 сылын, Модут нэһилиэгиттэн Елизавета Петровна, Дмитрий Георгиевич Ядрихинскайдар бииргэ олорбуттара 50 сылларын, Хамаҕатта нэһилиэгиттэн Татьяна Даниловна, Прокопий Николаевич Канаевтар уйгулаах суолунан бииргэ олорбуттара 50 сылларын, Хамаҕатта нэһилиэгиттэн Саргылана Николаевна, Герасим Герасимович Дорофеевтар сүрэхтэрин сылааһын холбоон бииргэ олорбуттара 55 сылларын, Модут нэһилиэгиттэн Дария Ивановна Ядрихинская, Ион Ионович Васильев дьоһун олоҕу бииргэ олорбуттара 55 сылларын, Хомустаах бастакы нэһилиэгиттэн Акулина Ильинична, Семен Семенович Колесовтар тапталга бигэнэн бииргэ олорбуттара 60 сылын бэлиэтээтилэр.
— Дьоһун-мааны ыалларбыт 50, 55, 60 сыл анараа өттүгэр курдук, долгуйан туран, өссө да өр, дьоллоохтук олоруохпут диэн бигэргэтэн, илии баттаатылар. Улуус баһылыга Юрий Иннокентьевич Слепцов эҕэрдэлээн туран Саха Өрөспүүбүлүкэтин Ил Дархана анаабыт «Дьиэ кэргэн килбиэнэ» бэлиэни уонна нэһилиэк, улуус дьаһалтата сыл аайы биэрэр 50, 55, 60 тыһыынча солкуобай суумалаах сэртипикээти туттарда. Бу күн үбүлүөйдээх ыалларбытын нэһилиэктэрин баһылыктара, дьиэ кэргэн отделын салайааччыта, оҕолоро-уруулара, аймахтара эҕэрдэлээтилэр, сибэкки дьөрбөтүн, эҕэрдэ суруктары бэлэх ууннулар. Түмүккэ 90 саастаах Семен Семенович кэргэнинээн Акулина Ильиничнаны кытта харда тыл этэн, хомус тардан дьиэрэппитэ барыбытын долгутта, — диэн Нам улууһунааҕы ЗАГС отделын салайааччы Саргылаана Азарова кэпсээтэ.
Арассыыйа успуордун үтүөлээх маастара Владимир Балынец дойду үрдүнэн күүстээҕин өссө төгүл дакаастаата. Кини 20-с төгүлүн…
Дьокуускайга 40 саастаах эр киһиэхэ өлөрүүгэ холоммутунан холуобунай дьыала тэрилиннэ. Бу туһунан СӨ Силиэстийэлиир кэмитиэтэ…
Бүгүн, муус устар 17 күнүгэр, Саха сирин сорох улуустарыгар +10 кыраадыс буолара күүтүллэр диэн УГМС…
Бэҕэһээ, муус устар 15 күнүгэр, куйаар ситиминэн СӨ Бырабыыталыстыбатын Бэрэссэдээтэлэ Кирилл Бычков Өймөкөөн улууһун социальнай-экэнэмиичэскэй…
Быйылгы Олоҥхо ыһыаҕын тэрийэр кэмитиэт муус устар 15 күнүгэр өрөспүүбүлүкэтээҕи куонкурустар испииһэктэрин бигэргэттэ. От ыйын…
Бэҕэһээ, муус устар 15 күнүгэр, Нам улууһугар хаарынан уонна бадараанынан сылдьар (снего-болотоход) саҥа көлө кэллэ.…