Намнааҕы гимназияҕа ХИФУ фирменнэй кылааһа арыллыаҕа

Бу күннэргэ Нам улууһун гимназиятын дириэктэрэ уонна Хотугулуу-Илиҥҥи федеральнай университет ректора сонун сүүрээни — “Технологическай суверенитет. Каадырдар» бырайыагы олоххо киллэриигэ илии баттаатылар.

Өрүттэр  бииргэ үлэлээһиннэрин сүрүн түһүмэҕэ — 2025-2026 үөрэх дьылыгар Нам улууһун гимназиятыгар университет фирменнэй кылааһын арыйыы. Бырайыак сыалынан-соругунан дойду уонна эрэгийиэн технологическай сайдыытыгар үлэлиир каадыр резервэтин тэрийии буолар. Бу кылааска үөрэнэр оҕолор уопсай орто үөрэх бырагырааматын тэҥэ ХИФУ үлэ ырыынагар ирдэнэр үөрэх дьиссипилиинэлэрин дириҥник үөрэтэн баһылыахтара.  Университет фирменнэй кылааһын үөрэнээччилэрин үрдүкү кылаас учууталлара уонна университет профессордара, доценнара үөрэтиэхтэрэ.