Н.Сивцева хаартыскаҕа түһэриитэ
Нам улууһугар Санкт-Петербург госпиталларыгар сытар байыастарга көмөлөһөр сыаллаах-соруктаах аахсыйа тэриллибитэ.
Бу Санкт-Петербург волонтердарын көрдөһүүлэринэн тэриллибит аахсыйаҕа улуус нэһилиэктэрэ кытталлар. Олохтоохтор, тэрилтэлэр көмөлөөн ынах, убаһа эттэрин аҕалан биир сиргэ түмэллэр, туттараллар. Мантан ас-үөл бэлэмнээн ыытыахтаахтар. Олору волонтердар госпиталларга эмтэнэ сытар биир дойдулаахтарыгар тиэрдиэхтээхтэр.
Манна даҕатан эттэххэ, намнар байыаннай дьайыыга сылдьар байыастарга тиһиктээхтик көмөлөһөллөр.
Хатыҥ Арыы нэһилиэгин дьаһалтатын исписэлииһэ Н.Сивцева аахсыйаҕа кыттыы туһунан маннык иһитиннэрдэ:
— Аахсыйа тохсунньу 20 күнүттэн са5аламмыта. Олунньу 1 күнүгэр диэри ыытыллар. Манна улуус бары нэһилиэктэрэ кытталлар. Биһиги нэһилиэкпит олохтоохторо эмиэ бу бачыымы өйөөн көхтөөх кыттыыны ылаллар. Хас биирдии ыал, тэрилтэ төһө кыалларынан, хайдах табылларынан ынах, убаһа этин хомуйан туттардылар. Ол курдук, нэһилиэк баһылыга Иван Ноговицын улууспут дьаһалтатыгар 101 киилэ ынах, 65 киилэ сылгы, 5 киилэ эриллибит эт, сибиинньэ этэ, уопсайа 172,5 киилэ эти киллэрэн туттарда.
Манна даҕатан эттэхпинэ, биһиги нэһилиэкпитигэр байыастарга таҥас-сап тигэн көмөлөһөр сыаллаах-соруктаах иистэнньэҥнэр түмсүүлэрэ тэриллибитэ. Бу түмсүүнү Д.Мальцева сатабыллаахтык салайар. Кинилэр «Илии сылааһа» иистэнньэҥнэргэ ыытыллыбыт тэрээһиҥҥэ кыттаннар, иистэнэр массыынанан наҕараадаланан тураллар. Маны сэргэ нэһилиэк дьахталларын сэбиэтэ (сал. О.Лебедева), биирдиилээн ыаллар, тэрилтэлэр, «Сандаара» уһуйаан, түмэл, муусука оскуолатын кэлэктииптэрэ, уо.д.а. байыастарга көмөнү оҥорууга көхтөөх кыттыыны ылаллар. Көмөлөөтөххө көмүөл мууһа кыайтарар дииллэрин курдук, бары туруннахпытына, хайдахтаах да харгыһы кыайабыт. Урукку өттүгэр балаҕаҥҥа мустан иистэнэр буоллахтарына, билигин өрөмүөннэнэ турарынан, бибилэтиэкэҕэ (сал. В.Замятина) түмсэллэр.
Ити курдук биһиги нэһилиэкпит тэрээһиннэртэн, аахсыйалартан туора турбат.
Нина Саввина
Н.Сивцева хаартыскаларга түһэриитэ.
Бу күннэргэ Өлүөнэ Эбэҕэ үлэ саамай суолталаах уонна көдьүүстээх көрүҥэ –мууһу эрбээһин уонна хараардыы ыытылла…
Бу күннэргэ күн-дьыл туруга хайдаҕый? Күнү-дьылы кэтээн көрөөччүлэр туох дииллэрий? Өрөспүүбүлүкэ арҕаа өттүгэр, күнүс соҕуруу…
Чукотка автономнай уокуругар Баимскайдааҕы хайа байытар кэмбинээтин тутуу саҕаланна. Баимскайдааҕы ГОК тутуутун хаамыытын РФ Бырабыыталыстыбатын…
Күн оройо буола оҕуста. Сотору кэминэн улахан оҕолоро оскуолаттан кэлиэхтэрэ. Аҕалара эбиэттии кэлиэ. Бэйи эрэ,…
Ил Дархан Айсен Николаев Аҕа дойду Улуу сэриитин кыттыылааҕар Николай Иванович Афанасьевка "Саха Өрөспүүбүлүкэтин бочуоттаах…
Улуу Кыайыы өрөгөйдөөх күнүгэр Ийэ дойдуларын көҥүлүн күөннэринэн хаххалаан көмүскээбит, итии хааннарын тохпут буойун суруналыыстар…