Нам улууһун дьаһалтатын пресс-сулууспата
Нам улууһун дьаһалтатын дьыалаларын дьаһайааччы Петр Сергучев салайааччылаах дэлэгээссийэ байыаннай дьайыыга сылдьар биир дойдулаах буойуттарын көрсөн кэллэ.
Дэлэгээссийэ айаныгар үгэскэ кубулуйбут аһымал марафон ыытыллыбыта. Улуус бары тэрилтэлэрин кэлэктииптэрэ, урбаанньыттара, биирдиилээн дьон харчынан, малынан-салынан көмөлөспүттэрэ. Киирбит көмө харчынан дэлэгээссийэ дойду «тэбэр сүрэҕэр» тиийэн уолаттарга аналлаах малы-салы, таҥаһы-сабы тиэхиньикэни, эми-тому о.д.а. атыылаһан бэлэмнээбиттэр.
Петр Сергучеву таһынан дэлэгээссийэҕэ улуус дьаһалтатын байыаннай дьайыыга исписэлииһэ Владислав Васильев, Хатырык нэһилиэгин баһылыга Артур Ноговицын уонна «Воин» түмсүү салайааччыта Павел Оконешников сылдьыстылар. Бастаан Запорожскай уобалас, Донецкай Норуодунай Өрөспүүбүлүкэ хайысхатынан сырыттылар, онтон Луганскай Норуодунай Өрөспүүбүлүкэ туһаайыытынан баран кэллилэр. Тирэх пууннарга, ону таһынан уолаттары кытта сибээскэ тахсан сүбэлэһэн баран, ыйан биэрбит сирдэригэр тиийэн сирэй көрүстүлэр.
Петр Петрович иһитиннэрбитинэн, уолаттар баһыылка, ас-таҥас тутан олус үөрбүттэр уонна, биллэн турар, оҕолор суруйбут суруктарын тутан долгуйбуттар. Хас биирдии малы, суругу, дьонуттан баһыылкатын туппут байыас биир дойдулаахтарыгар, чугас дьонноругар истиҥ махталларын тиэрдибиттэр.
«Бу курдук, дойдубут чиэһин көмүскүү сылдьар уолаттарбыт биир дойдулаахтарын көрсөн дьолломмуттар, Кыайыыга бары бииргэ хардыы оҥорорбутугар көмөҕүт иһин барҕа махталларын тиэрдибиттэр. Уолаттар санаалара бөҕөх, Кыайыы биһиэнэ буолуоҕа диэн бигэ эрэллээхтэр», — диэн Нам улууһун дьаһалтатын пресс-сулууспата иһитиннэрэр.
Коронавирус эпидемията тарҕаныытын кэмигэр мэдиссиинэ мааскатын дьон үксүн уопсастыбаннай сирдэргэ кэтэллэрин көрөр этибит. Билигин маасканы…
Ааспыт сууккаҕа өрөспүүбүлүкэҕэ буруйу оҥоруу 3 түбэлтэтэ бэлиэтэннэ, бу дьыалаларынан холуобунай процессуальнай бэрэбиэркэлэри ыытыы уонна…
Дьокуускайга ааспыт нэдиэлэҕэ кириибинэн уонна ОРВИ-нан ыалдьыы 5471 түбэлтэтэ бэлиэтэннэ. Ыарыы таһыма кирбиини 28%-нан куоһарда.…
Дьиэ подъезтарын Саҥа дьылга киэргэтии сорох түгэҥҥэ ыстарааптаныыга тиэрдиэн сөп. Бу туһунан "Прайм" ааҕыныстыбаҕа Европатааҕы…
Ахсынньытыттан хас да саҥа сокуон үлэҕэ киириэҕэ. Бу сокуоннар көннөрү гражданнар да, урбаанньыттар түмсүүлэрэ да…
Сэтинньи 24 күнүгэр, бэнидиэнньиккэ, Сир магнитосферата уоскулаҥ. Ол эрээри, геомагнитнай индекс киэһэлик үрдээн барыа. Санатан…