Бэҕэһээ Нам улууһугар Саха Өрөспүүбүлүкэтин судаарыстыбаннаһа төрүттэнэригэр акылааты уурбут историческай суолталаах кэрэ-бэлиэ күҥҥэ аналлаах тэрээһиннэр үрдүк көтөҕүллүүлээхтик аастылар.
Бу күн Саха сирин судаарыстыбаннаһа төрүттэнэригэр олук уурбут уһулуччулаах судаарыстыбаннай уонна бэлитиичэскэй диэйэтэллэргэ ытыктабылбытын уонна махталбытын биллэрэбит. Ленскэй, Хатыҥ-Арыы, Хатырык нэһилиэктэригэр киэн туттар биир дойдулаахтарбыт, уһулуччулаах судаарыстыбаннай уонна бэлитиичэскэй диэйэтэллэр Максим Кирович Аммосов, Илья Егорович Винокуров өйдөбүнньүктэригэр тыыннаах сибэкки уурдулар, миитиннэр ыытылыннылар. Хатырыкка Саха сирин Судаарыстыбаннаһын устуоруйатын мусуойугар бырааһынньыктааҕы улуус уопсастыбаннаһа үөрүүлээх мунньаҕа буолла.
Тэрээһиҥҥэ Нам улууһун баһылыгын солбуйааччылар Филипп Николаев, Мария Игнатьева, Антонина Егорова, СР үтүөлээх учуутала, РФ «Бастыҥ учуутал» куонкурсун кыайыылааҕа Любовь Адамова, Максим Аммосов сиэн балта Яна Корякина, Ил Түмэн дьокутаата Эдгар Константинов, улуус дьокутааттарын сэбиэтин бэрэссэдээтэлин солбуйааччы Николай Игнатьев, Хатырык уонна улуус нэһилиэктэрин баһылыктара, дьокутааттар, тэрилтэ салайааччылара, олохтоохтор кыттыыны ыллылар.
Тыл этээччилэр Саха автономиятын төрүттээбит Максим Аммосов, Былатыан Ойуунускай, Исидор Бараахап уонна да атын чулуу дьоммут түстээбит ураты сыаннастарын чөл хаалларарга уонна элбэтэргэ төһүү күүс буолбут Бастакы Бэрэсидьиэммит Михаил Николаев уонна кини биир санаалаахтара хоту дойду инники дьылҕатын быһаарбыт дьаһаллара кэмигэр уонна сөпкө ылыныллыбыттарын кэм-кэрдии дьэҥкэтик көрдөрдө – диэтилэр. Ол кэннэ Михаил Ефимович Николаев туһунан документальнай киинэ көһүннэ.
Үөрүүлээх тэрээһин оһуохайынан түмүктэннэ. Күн-дьыл туран биэрэн, тэрээһиннэр көхтөөхтүк, өрө көтөҕүллүүлээхтик аастылар диэн иһитиннэрэр Нам улууһун дьаһалтатын пресс-сулууспата.
Өрөспүүбүлүкэ сиригэр-уотугар халаан туругун ыам ыйын 18 күнүгэр ыксаллаах балаһыанньаны сэрэтиигэ уонна туоратыыга хамыыһыйа мунньаҕар…
Халаан уутуттан эмсэҕэлиир нэһилиэктэр ахсааннарыгар урут хаһан да киирбэтэх Хатырык нэһилиэгэ улахан ууга ылларан, олохтоохтору…
Ыам ыйын 17 күнүгэр Нам улууһугар «Библионочь-2024» Бүтүн Арассыыйатааҕы аахсыйа Арассыыйаҕа Дьиэ кэргэн сылын чэрчитинэн…
Бүгүн, ыам ыйын 18 күнүгэр, Аан дойду үрдүнэн Түмэл күнэ бэлиэтэнэр. Бу күнү көрсө Амматааҕы…
Эми-тому атыылаһан баран, аны хайдах иһэр туһунан ыйыыны-кэрдиини (инструкцияны) төһө билсэбитий? «Күҥҥэ үстэ биир табылыакканы…
Саха сиригэр физическэй култуура уонна успуорт сайдыытыгар, хаачыстыба өттүнэн үрдүк кэрдиискэ тахсарыгар кылгас олоҕун анаабыт…