Хаартысканы Марта Николаева тиксэрдэ
Өрөспүүбүлүкэтээҕи Оһуокай уопсастыбата Кыайыы 80 сылын көрсө өрөбүллээҕи Оһуокайы ыытара үгэс быһыытынан бара турар.
Олунньу 9 күнүгэр Нам улууһуттан Оһуокай түмсүүтэ киирэн, биир дойдулаахтарын түмтэ. «Нам кылыһаҕа» төрүт дорҕоон ансаамбыла киирэн эҕэрдэлээтэ. Улуус баһылыгын солбуйааччы Юрий Дьяконов, «Ленскэй нэһилиэк» МТ дьаһалтатын баһылыга Петр Сокольников эҕэрдэ тылларыгар өрөспүүбүлүкэтээҕи Оһуокай уопсастыбатын бэрэссэдээтэлэ А.Д.Данилов Кыайыы 80 сылын көрсө Кыайыы Оһуокайа ыытылларын биһирииллэрин, дьону сомоҕолуурун бэлиэтээтилэр.
Эҥсиэли хочотуттан үтүөлээх этээччи Владимир Осипов, Лена Маркова, Владимир Сыромятников, Руслан Захаров, о.д.а. киэҥ түһүлгэни төрүттээтилэр. Быыһыгар «Тыыннаах дорҕоон» кырыымпа доҕуһуолунан Владимир Осипов дэгэрэҥ ырыатын бары сэргээтилэр. Маны сэргэ Намтан төрүттээх, Сунтаар улууһугар салайар үлэҕэ үлэлээбит Афанасий Кирсанович кэргэнэ быраас Натальялыын дуэттаатылар. Истиҥ, иһирэх, санаа үллэстиитэ, сахалыы дэгэрэҥ ырыаны толорууларын бары сэргээтибит.
Марта Николаева
СӨ Быыһыыр сулууспата иһитиннэрбитинэн, балаҕан ыйын 17 күнүгэр 21.15 ч. Дьокуускай куоракка Сайсары күөлгэ 2000…
Амма сэлиэнньэтигэр Мир уулуссаҕа таба киирэн олохтоохтору соһутта. Туһааннаах видео бу күннэргэ социальнай ситиминэн тарҕанна.
"Путь воина" байыаннай-тактическай күрэхтэһиигэ бэҕэһээ Волгоградскай уобалас «Сталинград» уонна Тюменьскай уобалас «Соболь» хамаандалара күөн көрүстүлэр.…
«Чолбон» сурунаал балаҕан ыйынааҕы нүөмэригэр: - «Улуу Кыайыы айымньыларыгар» норуот суруйааччыта Николай Лугинов номоххо киирбит…
ИДьМ Тааттатааҕы салаатын дьуһуурунай чааһыгар, 83 саастаах аҕам саастаах киһиэхэ кимэ биллибэт киһи саба түспүтүн…
Саха Өрөспүүбүлүкэтин Судаарыстыбаннаһын күнүгэр, балаҕан ыйын 27 күнүгэр, 19:00 чаастан Ил Дархан Айсен Николаевы кытта…