Салгыы
Намнар Ржев кыргыһыытыгар кыайыы 80 сылыгар аналлаах тэрээһиннэргэ кытыннылар

Намнар Ржев кыргыһыытыгар кыайыы 80 сылыгар аналлаах тэрээһиннэргэ кытыннылар

Ааптар:
04.03.2023, 11:00
Хаартыска Нам улууһун дьаһалтатын тиксэриитэ
Бөлөххө киир:

Кулун тутар 3 күнүгэр Нам улууһун делегацията Ржев куоракка тиийэн, Ржев аннынааҕы кыргыһыы түмүктэммитэ 80 сылыгар анаммыт тэрээһиннэргэ кыттыыны ылла.

Делегация састаабыгар “Нам улууһа” МТ баһылыга солбуйааччы П.В. Абрамов, “Ленскэй нэһилиэк” МТ баһылыга П.Г. Сокольников, «Мост памяти Ржев-Саха (Якутия)» НКО салайааччыта Н.Х. Горохов уонна биллиилээх драматург, режиссер, оператор С.Н. Ермолаев-Сиэн Өкөр үлэлииллэр.

11 чаастан Сэбиэскэй саллаат мемориалыгар сибэкки уурдулар. Мустубут дьону Тверской уобалас губернатора, олохтоох уокурук уонна урукку Тверь оройуонун салалталара эҕэрдэлээтилэр.

12 чаастан куорат киин Советскай болуоссатыгар олохтоох гарнизон сэлэлии хаамыыта тэрилиннэ. Манна  Сэбиэскэй Сойуус 3 төгүллээх Дьоруойа А.И. Покрышкин, Сэбиэскэй Сойуус маршаллара, Сэбиэскэй Сойуус геройдара Г.К. Жуков, А.И. Еременко, В.Д. Соколовскай, В.Г. Куликов ааттарынан воинскай чаастар параадтаатылар.

Делегация күн иккис аҥаарыгар Хорошево дэриэбинэҕэ тиийэн, И.В. Сталин музейыгар ыалдьыттаата.

Салгыы Сэбиэскэй саллаат мемориалыгар төннөн, “Кыайыы знамятын тэлимнэтии” диэн үөрүүлээх тэрээһиҥҥэ кыттыыны ыллылар. Оковецкай таҥара дьиэтигэр сылдьан, кыргыһыы хонуутугар геройдуу охтубут биир дойдулаахтарбыт кэриэстэригэр чүмэчи туруордулар.

Бу күннэргэ Москваҕа Саха сирин бастайааннай бэрэстэбиитэлэ  Федотов А.С., Нам улууһун баһылыга Слепцов Ю.И., «Мост памяти Ржев-Саха (Якутия)» НКО көҕүлээһиннэринэн, мемориалга саха сэргэтин туруоруу былааннанар.

«Нам улууһа» МТ пресс-сулууспата

+1
0
+1
0
+1
0
+1
0
+1
0
+1
0
+1
0
Бары сонуннар
Салгыы
15 июня
  • 16°C
  • Ощущается: 16°Влажность: 82% Скорость ветра: 2 м/с

Сообщить об опечатке

Текст, который будет отправлен нашим редакторам: