Хаартыска уонна видео - Елена Потоцкая
Аммаҕа ыытыллыбыт адаптивнай успуорт спартакиадатыгар Нам улууһун спортсменнарын хамаандатын салайааччылара бэрт тэрээһиннээхтик бэлэмнэнэн, эдэр да, эмэн да саастаах дьону тэҥнии тутан илдьэ кэлбиттэр этэ.
«Дьулуур» спартакиада ааттыын да «Дьулуур» диэн. Онон доруобуйаларынан хааччахтаах дьон олоххо дьулуурдарынан өрөспүүбүлүкэтээҕи суолталаах тэрээһиҥҥэ кыттыылара — бастыҥ холобур. Нам улууһун успуорка управлениетын салаатын салайааччыта Павел Иванов иһитиннэрбитинэн, уопсайа спартакиадаҕа 80-ча киһи кэлэн кыттыбыт.
Мин дьаадараны быраҕар дьон күрэхтэһиитин көрө сылдьан, Нам улууһун спортсменыгар хараҕым хатанна. Интэриэһиргээн, кинини анаан кэтээн көрдүм.
Матрена Артамонова дьаадаранан саҥа дьарыктанан эрэр эбит. Саҥа саҕалыыр киһи санаатын маннык үллэһиннэ:
Бу маннык тэрээһин доруобуйаларынан хааччахтаах дьоҥҥо тугу биэрэрин туһунан Матрена Климовна санаата маннык:
Бастакы күҥҥэ голбол диэн интэриэһинэй оонньууга Василий Собакин бэйэтин улууһун чиэстээхтик көмүскээбитэ. Бу туһунан спартакиада бастакы күннэригэр «Нам Баһылайа тугунан соһутта?» диэн суруйуум үгүс киһи болҕомтотун тардыбыт этэ. Кэлин Баһылайы сирэй көрсөн кэпсэтэн, успуорт бу көрүҥэр эмиэ саҥа дьарыктанан эрэрин биллим.
Дьэ, ити курдук, успуорт араас көрүҥнэринэн саҥа дьарыктанан эрэр дьон улуустарын чиэһин көмүскээн, бэйэлэрин күүстэрин холонон көрөн, суолталаах тэрээһиҥҥэ бэйэлэрин санааларын күүһүн көрдөрдүлэр.
Саҥа дьыл барахсан, оннук-маннык итэҕэллэргэ, кирдээх бэлиитикэҕэ умньамматах, соҕотох алыптаах, оҕотуттан оҕонньоругар тиийэ дуоһуйа, астына…
Саха сирэ хорсун-хоодуот дьонунан аатырар, дойду устуоруйатыгар элбэх дьоруойу бэлэхтээбитэ, олор истэригэр Аҕа дойду Улуу…
Ааспыт сууккаҕа Саха сиригэр буруйу оҥоруу сэттэ түбэлтэтэ тахсыбыт. Манан процессуальнай бэрэбиэркэни ыытыыны уонна холуобунай…
«Якутскэнерго» ПАУо өрөспүүбүлүкэ олоҕо-дьаһаҕа бигэ туруктаах буолуутугар уотунан-сылааһынан хааччыйар дьоһун суолталаах тэрилтэнэн буолар. Хампаанньа генеральнай…
Бүгүн, тохсунньу 11 күнүгэр, өрөспүүбүлүкэ соҕуруулуу-арҕаа, хотугулуу-илин, илин өттүгэр кыралаан хаардыаҕа. Киин, арҕаа оройуоннарга туманнаах…
Бүгүҥҥү күн – наҕыл, сымнаҕас уонна дьиэҕэ-уокка чугас дьону кытта сынньанарга табыгастаах кэм. Ый Оҕус…