Намнар ууттан эмсэҕэлээбит Өймөкөөн улууһугар көмөлөһөллөр

Нам улууһун нэһилиэктэрэ сайыҥҥы халаан уутуттан эмсэҕэлээбит Өймөкөөн улууһугар  көмө аахсыйаҕа көхтөөхтүк кытталлар. Бу туһунан Нам улууһун дьаһалтата иһитиннэрэр.

Ол курдук, бу күннэргэ Үөдэй, Ленскэй, Көбөкөн, Партизан, Никольскай, Хатыҥ Арыы, Хатырык, Маймаҕа, Фрунзе, Бөтүҥ нэһилиэктэрин дьоно-сэргэтэ таҥаһынан, хаһаайыстыбаннай табаарынан, утуйар таҥаһынан,  бородууктанан, харчынан көмөлөрүн аҕалан улуус дьаһалтатын дьиэтигэр туттардылар.

«Хомуллубут көмө кэлэр нэдиэлэ саҥата Өймөкөөн улууһугар  тиэрдиллиэҕэ. Нэһилиэнньэттэн көмө салгыы хомуллар. Бары күүс-көмө, өйөбүл буолбут дьоммутугар махталбытын этэбит», — диэн этэллэр Нам улууһун дьаһалтатын үлэһиттэрэ.