Алтынньы 13 күнүгэр «Нам улууһа» МТ дьаһалтатын дьиэ кэргэн уонна ыччат отделын исписэлиистэрэ Марат Петров уонна Семен Жирков Владивосток уонна Уссурийскай куораттарга улуустан быстах хомуурга барбыт биир дойдулаахтарын көрсө, көмө тиэрдэр сыаллаах көппүттэрэ.
Бэҕэһээ Уссурийскай куоракка, уолаттарга байыаннай чааска тиийэн, көмө акция чэрчитинэн хомуллубут ичигэс таҥастары, утуйар мөһөөччүктэри (спальный мешок), туттар маллары, кэһии ас туттардылар, ирэ-хоро кэпсэттилэр. Маны таһынан, уолаттар тус сайаапкаларынан онно тута маҕаһыыннары кэрийэн, наадалаах мал-сал, таҥас атыылаһан туттардылар. Бу барыта улуус баһылыга Юрий Слепцов дьаһалынан, резервнэй фондаттан, көрүллүбүт харчынан атыылаһылынна. Быстах хомуурга тиийбит биир дойдулаахтарбыт этэҥҥэ үчүгэйдик сылдьалларын, күн аайы байыаннай үөрэх баралларын, санаалара бөҕөҕүн эттилэр. Биир дойдулаахтарыгар, улуус дьаһалтатыгар барҕа махталларын тиэрдэллэр. Улуус дьаһалтатын исписэлиистэрэ Владивосток куоракка көтөн тиийээт аэропортан Уссурийскайга тиийэллэригэр, уолаттар сайаапкаларынан, куорат маҕаһыыннарын кэрийэн наадалаах малларын, табаардарын, таҥастарын атыылаһалларыгар барытыгар биир дойдулаахпыт Пётр Соловьев тиксэрбит массыынатынан сырыттылар. Петр Петровичка улахан күүс-көмө, тирэх буолбутугар барҕа махталбытын тиэрдэбит. Марат Петров уонна Семен Жирков Уссурийскай уонна Владивосток куораттарга салгыы үлэлииллэр. Быстах хомуурга барбыт биир дойдулаахтарбыт, төрөөбүт дойдугуттан ыраах тэлэһийэ сырыттаххына биир дойдулаахтарыҥ өйөбүллэрэ, көмөлөрө, сылаас сыһыаннара туохтааҕар да күндүтүн, санааларын көтөҕөрүн эттилэр.
«Нам улууһа» МТ пресс-сулууспата
Арассыыйа аармыйатын Киин Академическай тыйаатыра Саха сиригэр кэлиэн иннинэ тыйаатыр дириэктэрэ Милена Авимскаялыын маннык кэпсэппиппит.…
Бүгүн, от ыйын 6 күнүгэр, Таатта улууһун хайысхатынан араас массыына, оптуобус халҕаһалыы субуллар. Манчаары төрүт…
Мэлдьи ахтар-саныыр доҕорбунаан Ньукулайдыын 80-с сыллартан “Кыым” хаһыакка үлэлиэхпититтэн билсибиппит. Хомсомуолга иитиллибит, хомуньуус баартыйа кыһатыгар…
Ураты быһыылаах түргэн мантыы ырысыабынан социальнай ситимнэринэн фудблогер уонна спортсмен Владимир Никитин үллэһиннэ. Өрөбүл күҥҥэ…
Норуот ырыаһыта Сергей Зверев төрөөбүтэ 125 сылынан Сунтаар улууһун Түбэй Дьаарханыгар ыытыллыбыт Ыһыах кыттыылаахтара Ыгыаттаҕа…
Сахабыт сиригэр самаан сайыммытын уруйдуур-айхаллыыр, араас ыһыахтар дьэ бүтэн эрэллэр. Мин эмиэ сааспын баттаһа, биир…