Намнар ырааһырдыы үлэтин субуотунньугунан саҕалаатылар

Бу күннэргэ сандал саас салаллыбытынан, улуустарга ырааһырдыы ыйа биллэриллэн, субуотунньуктар саҕаланнылар.

Нам улууһун тэрилтэлэрэ  субуотунньукка күргүөмнээхтик тахсан эрэллэр.  Онуоха бастакынан улуус дьаһалтатын үлэһиттэрэ ырааһырдыы үлэтин  көҕүлээтилэр. Тэрилтэ таһын,  сыһыарыылаах учаастактарын ыраастаатылар. Улуус дьаһалтатын пресс-сулууспата иһитиннэрбитинэн, бу күннэргэ субуотунньуктар тэрилтэ аайы өссө көхтөөхтүк ыытыллыахтара.