Хаартыскалар: С.Новгородова ыытта
Быйылгы Нам улууһугар сааскы халаан уута бааһыналары ылбыта. Ол да буоллар, улуус тыатын хаһаайыстыбатын үлэһиттэрэ ыһыы үлэтин ыыттылар. Быйыл 1609 гектарга сүөһү аһылыга буолар култуураны ыһыы былаана – 1609 гектар этэ, итинтэн 735 гектарга ыстылар. Иккис болдьоххо курааннар тураннар хойутуу киириэхтэрэ.
— Улахан хаһаайыстыбалар ыһан бүтэрэн эрэллэр, кыра хаһаайыстыбаларбыт хааллылар. Бааһыналарбыт уу ылар сиригэр түбэспиттэрэ. Онон бааһыналар кууралларын кэтэстибит. Хортуоппуй, оҕуруот аһа бу күннэргэ олорон бүтүө. Хортуоппуй 312 гектарга олордо (былаан — 434 гектар). 83 гектарга оҕуруот аһын былааннаабыппыт. Итинтэн билиҥҥи туругунан 45 гектарга олордулунна. Сиэмэ хортуоппуйу миэстэтигэр тэрилтэлэр аҕалан биэрдилэр. Ол иһин түгэнинэн туһанан Нам улууһун хаһаайыстыбаларыгар ыһыы сиэмэтинэн көмөлөспүттэргэ улуустааҕы тыа хаһаайыстыбатын управлениетын аатыттан истиҥник махтанабыт. Ол курдук, сиэмэ хртуоппуйу Александр Жирков — 6 туоннаны, Михаил Сивцев – 1 туоннаны биэрдилэр. “Эрэл” ТХПК 3 т хортуоппуйу, Мэҥэ Хаҥаластан Власий Петров – 3 туоннаны, Екатерина Борисова (Ороссолуода) – 1,5 туоннаны, Дьокуускайтан Абдужаров Халиллио Хабибуллаевич 2 туоннаны биэрэн, көмөлөстүлэр. “Сири оҥоруу сулууспата” тэрилтэ (сал. А.М.Семенов) 1,5 т хортуоппуй сиэмэтин, ону тэҥэ эбиэһи аҕалан биэрбитэ.
“Наука” ХЭТ эмиэ үс туоннаны, Уус Алдантан “Биэттэ” ХЭТ – 5 т, ону тэҥэ “Илларионов” бааһынай хаһаайыстыбата эбиэс биэриэхтэрэ. “Россельхозцентр” тэрилтэ (сал. А.С.Данилова) үлэһиттэрэ биир күннээх хамнастарынан көмөлөстүлэр. “Сири оҥоруу сулууспата” тэрилтэ эмиэ биир күннээх хамнаһынан саппаас чаас атыылаһарга сэртипикээт туттарыахтаах. Онон үтүө санаалаах хаһаайыстыбалар, тэрилтэлэр көмөлөрүнэн ууга барбыт хаһаайыстыбаларбыт ыһыы үлэтин ыытар кыахтаннылар. Быһата, ууга барбыт нэһилиэктэр хаһаайыстыбаларыгар аадырыстаах көмө оҥоһулунна, — диэтэ Нам улууһун кылаабынай агронома Сардана Новгородова.
Лев Павлов көҥүл тустууга юниордар истэригэр аан дойду чөмпүйэнээтигэр үрүҥ көмүс мэтээли ылары ситистэ. Кини…
Бүгүн, балаҕан ыйын 8 күнүгэр, Саха сирин соҕуруу, хотугулуу-илин, күнүс арҕаа улуустарыгар сорох сиринэн ардах,…
Бүгүн НТВ ханаал “Чудо” биэриитигэр Сунтаар улууһун Элгээйи орто оскуолатын үөрэнээччитэ, эдэр орнитолог, 11 саастаах…
Аҕыйах хонуктааҕыта Сунтаар улууһун Куокуну нэһилиэгэр Улахан Табаҕа киэҥ нэлэмэн, үрдүк үүнүүнү биэрэр бааһыната талах…
Оҕо барахсан хайа да кэмҥэ арахсыспат аргыһа – оонньуур буоллаҕа. Онон “Наука 0+” билим бэстибээлин…
Бу күннэргэ өрөспүүбүлүкэ улуустарыгар ититии сезона саҕаланан эрэр. Мэҥэ Хаҥалас улууһун пресс-сулууспата дьаһалта телеграм-ханаалыгар иһитиннэрбитинэн,…