Хаартыска: Наркология диспансера
Биллэрин курдук, арыгылааһынтан уонна наркоманияттан суукканы быһа үлэлиир стационар усулуобуйатыгар эмтэнэҕин. Ол гынан баран, сытан эрэ эмтэнэр кыаҕа суох дьон эмиэ баар.
Онуоха Наркология өрөспүүбүлүкэтээҕи диспансерын күнүскү стационара көмөлөһөр кыахтанна.
Наркология диспансерын күнүскү стационарыгар куһаҕан дьаллыктан тутулуктаах дьоҥҥо (быраас быһаарбытынан, балыыһа усулуобуйатыгар суукканы быһа кэтээн көрүүнү ирдээбэт дьоҥҥо) көмөлөһөллөр.
Кинилэр отделениеҕа күнүс кэлэллэр уонна эмтэнии кэнниттэн дьиэлэригэр бараллар. Күнүскү стационар субуота уонна баскыһыанньа күннэртэн ураты 8.30-15.00 чч. үлэлиир.
— Туругу быһаарыы (психиатр-нарколог, терапевт, килиниичэскэй психолог көрөллөр, анаалыстары аныыллар уо.д.а.). Наада буоллаҕына, сэдэх идэлээх (узкай) исписэлиистэр сүбэ-ама биэрэллэр.
— Эмтээһин (тохтоло суох итириктээһинтэн таһаарыы, “кодирование”, хаттаан иһиэн баҕарыыны утары терапия уо.д.а)
— Психотерапия көмөтө (мэдиссиинэ психологын сүбэтэ-амата, тулуйбакка төлө барыыны сэрэтэр туһугар психотерапия сабыдыала).
Эмтэнии уһуна наркология көмөтүн стандартыгар сөп түбэһэр. Стационар 10 куойкалаах.
Билсиһэр төлөпүөн: 8-924-898-0435
Бүгүн, ыам ыйын 17 күнүгэр, Амма улууһугар Олоҥхо ыһыаҕын тэрийэр кэмитиэт мунньахтаата. СӨ Бырабыыталыстыбатын бэрэссэдээтэлин…
2024 сылга Саха сиригэр 76 социальнай эбийиэги тутары былаанныыллар. Олор истэригэр сорох тутуулар национальнай бырайыак…
Бүгүн Кэбээйи улууһун дьаһалтатын социальнай хантараагынан судаарыстыбаннай социальнай көмөнү оҥорууга хамыыһыйа быйылгы сыл 4 ыйынааҕы…
Былырыын Чурапчы улууһугар түөрт оҕоҕо бэйдиэ сылдьар ыттар саба түһэн эмсэҕэлэппиттэрэ. Бэйдиэ сылдьар ыттары көрүүгэ-истиигэ…
Өлүөнэ өрүскэ муус хойуутук устан Дьокуускай, Нам, Мэҥэ Хаҥалас оройуоннарынан ааһар. Уу таһыма Кангаласс микро-оройуонугар…
Бүгүн Ил Дархан Айсен Николаев Арассыыйа-Кытай ЭКСПО-ҕа РФ бэрэсидьиэнэ Владимир Путиҥҥа уонна Кытай норуодунай өрөспүүбүлүкэтин…