Наркотигы эргинэ сатаабыт 20 саастаах эдэр киһи 10 сылга көҥүлэ быһылынна

Суут кэмигэр быһаарыллыбытынан, 2024 сыл от ыйыгар сууттанааччы интэриниэт-маҕаһыыннар нөҥүө наркотигы сокуоннайа суохтук атыылыыр тэриллиилээх бөлөххө киирбит, онно кини «склад» эбээһинэһин толорбут. Бу туһунан СӨ Борокуратууратын пресс-сулууспата суруйар.

Кэлин сууттанааччы «оператортан» кистэлэҥ сир хаартыскалардаах уонна географическай координаталардаах инструкцияны ылан, салгыы а 11 гр тахса героин партиятын ылбыт. Ол наркотигы бэйэтигэр илдьэ сылдьан, «закладчиктарга» биэрээри уонна салгыы туһанааччыларга атыылыыр сыалтан 40 кыра  өлүүгэ араартаабыт, ол эрээри оперативнай тэрээһиннэр кэмнэригэр полиция үлэһиттэринэн тутуллубут, наркотиктар былдьаммыттар.

Суут судаарыстыбаннай буруйдааччы этиитин учуоттаан, сууттанааччыны кытаанах эрэсиимнээх көннөрөр холуонньаҕа 10 сылга көҥүлүн быһарга уураахтаата. Суут бириигэбэрэ сокуоннай күүһүгэр киирэ илик. Холуобунай дьыаланы Саха сиринээҕи Силиэстийэлиир кэмитиэт силиэстийэлээтэ.