Наркотигы эргиниигэ холонон Чита уобалаһыттан төрүттээх 22 саастаах дьахтар сууттанна

Дьокуускай куорат борокуратуурата Чита уобалаһыттан төрүттээх 22 саастаах дьахтарга тэриллибит холуобунай дьыалаҕа судаарыстыбаннай буруйдааһынын өйөөтө.

Кини РФ Холуобунай кодексатын 30-с ыстатыйатын 3-с чааһынан, 228.1 ыстатыйатын 4-с чааһын «а, г» пууннарынан буруйданна. Суут кэмигэр быһаарыллыбытынан, былырыын олунньугар сууттанааччы сокуоннайа суохтук байар-тайар баҕаттан, Дьокуускайга кистэлэҥ сирдэриоҥорон наркотигы батарар сыаллаах тэриллиилээх буруйу оҥорор бөлөххө киирбит.

Ол да буоллар, тэриллиилээх бөлөх чилиэннэрэ кинилэртэн тутулуга суох быһыыга-майгыга түбэһэн, бөдөҥ кээмэйдээх наркотигы сокуоннайа суох батарыыга былааннарын түмүгэр тиэрдибэтэхтэр. Дьахтары полиция үлэһиттэрэ тутан, наркотигы сокуоннайа суох эргиниини тохтоппуттар.

«Суут кэмигэр дьахтар буруйун толору билиннэ, оҥорбут дьайыыларыттан кэмсиннэ. Судаарыстыбаннай буруйдааччы этиитин учуоттаан,  уопсай эрэсиимнээх көннөрөр холуонньаҕа 10 сылга көҥүлүн быһарга уураахтаата», – диэн өрөспүүбүлүкэ борокуратууратн пресс-сулууспата иһитиннэрэр. Суут уурааҕа сокуоннай күүһүгэр киирэ илик .