Хаартыска: Мария Васильева, ЯСИА
СӨ борокуратуурата Дьокуускай куоракка наркотигы тарҕатыынан дьарыктаммыт бөлөх икки кыттааччытыгар буруйдуур түмүгү бигэргэттэ.
Кинилэр Холуобунай кодекс 30 ыст. 3 ч. — 228.1 ыст. 4 ч. “а, г” п. уонна 228.1 ыст. 5 ч. — бөлөх тэринэн улахан уонна ураты улахан кээмэйинэн куйаар ситиминэн наркотическай сириэстибэни сокуоннайа суохтук атыылыырга сорунуунан барыта тоҕус буруйу оҥорууга буруйданаллар.
Силиэстийэ быһаарбытынан, 2023 сыл алтынньытыгар Краснодар кыраайын Анапа куоратын икки үлэтэ суох олохтооҕо, куйаар ситимин нөҥүө нароктигынан сокуоннайа суох дьарыктанар бөлөххө киирбиттэр.
Кэккэ сылларга быһаарыллыбатах бөлөх тэрийээччилэриттэн наркотигы ылан, “тайниктарынан” тарҕаталаабыттар, ол иһигэр 2025 сыл кулун тутарыгар Дьокуускай куоракка эмиэ.
ИДьМ СӨ наркотигы эргиниини хонтуруоллуур управление суһал-көрдүүр тэрээһиннэри ыытыытын түмүгэр, тустаах дьарыктарын тохтоппуттар, ол түмүгэр 1 кг тахса мефедрону былдьаабыттар.
Сокуонунан тустаах буруйу оҥоруу иһин 20 сылга диэри болдьохтоон көҥүллэрин быһар улахан накаастабыл көрүллэр.
Куйаар ситиминэн наркотигы тириэрдэр быһаарыллыбатах дьоҥҥо холуобунай дьыала туспа силиэстийэлэнэр.
Бу туһунан СӨ борокуратууратын телеграм-ханаалыгар суруйаллар.
Cаҥа дьылы кэтэһии бырааһынньыктааҕар ордук үчүгэй, күүтүүлээх, күндү курдук буолар. Оннук күндү кэтэһиини биһиги бэйэбит…
Ыйытыыга Арассыыйа ФНС Саха Өрөспүүбүлүкэтигэр управлениетын 1 разрядтаах исписэлииһэ Пелагея Гуляева маннык хоруйдаата: — Арассыыйа ФНС саайтыгар…
Быйыл 3-тэн 79-гар диэри саастаах нэһилиэнньэ уопсай ахсааныттан физическэй култууранан уонна успуордунан систиэмэлээхтик дьарыктанар дьон…
РИА Новости ааҕан-суоттаан таһаарбытынан, эһиил дойдуга сааһынан страховой биэнсийэ барыларыттан ордук Чукоткаҕа үрдүөҕэ, онно эбиллиитэ…
Дьокуускай куорат борокуратуурата киин куорат икки олохтооҕун туһунан судаарыстыбаннай буруйдааһыны өйөөтө. Кинилэр РФ ХК 126-с…
Бүгүн, ахсынньы 20 күнүгэр, Дьокуускай куоракка өрөспүүбүлүкэ бары муниципальнай оройуоннарыттан уонна куорат уокуруктарыттан 8-11 кылаас…