Салгыы
До выборов президента РФ
00 дней
:
00 часов
:
00 минут
:
00 секунд
“Народы Якутии в лицах” быыстапка саҕаланна

“Народы Якутии в лицах” быыстапка саҕаланна

02.11.2023, 12:38
Хаартыска: https://sakha.gov.ru/news
Бөлөххө киир:

“А.Е.Кулаковскай аатынан Норуоттар доҕордоһууларын дьиэтин” национальнай култууралар галереяларыгар “Саха сирин норуоттарын мөссүөннэрэ” хаартыска быыстапкатын арыйдылар. Манна араас омук бэрэстэбиитэлин 52 киһитин хаартыската баар.

Бырайыак сыалынан этнокултуура нэһилиэстибэтин харыстааһын уонна тэнитии буолар. Ил Дархан Айсен Николаев бэлиэтииринэн, омуктар бары сомоҕолоһуулара өрөспүүбүлүкэ куораттарын уонна сэлиэнньэлэрин сайдыыларын түстүүр.

“Бырайыакка  Саха сиригэр олорор 28 норуот бэрэстэбиитэлэ – 52 киһи кытынна. Бэл, өрөспүүбүлүкэҕэ нэһилиэнньэ биэрэпиһигэр киирбэтэх норуоттары кытта кытыннардыбыт. Бу – замбиецтар, индонезиецтар, нигериецтэр, пакистаннар, сириецтэр, тсваннар, хаусанцылар”, — диэтэ бырайыак салайааччыта Фаридун Хотамов.

Быыстапкаҕа авардар, алтайдар, арабтар, армяннар, буряттар, долганнар, туркменнар уо.д.а. бааллар. Бүтүн Арассыыйатааҕы нэһилиэнньэ биэрэпиһин түмүктэринэн 2020 с. Саха сиригэр 135 норуот бэрэстэбиитэлэ олорор. Бу көһө сылдьар хаартысканан быыстапка бырайыагын тэрийээччинэн “Саха Өрөспүүбүлүкэтин Норуоттарын ыччатын ассамблеята – Бүтүн Арассыыйатааҕы “Мы-Россияне” Арассыыйа норуоттарын ыччат ассамблеятын Саха сиринээҕи салаата буолар.

Бырайыак хамаандата: салайааччы Фаридун Хотамов, куратор Нурудин Нурудинов, настаабынньык Екатерина Егорова, фотограф Нина Слепцова.

Бу бырайыагы Ыччат дьыалаларыгар федеральнай агентство гранынан уонна Саха Өрөспүүбүлүкэтин Тас дьыалаларга уонна норуоттар дьыалаларыгар министиэристибэтин субсидиятынан олоххо кирдэ. Уонна “А.Е.Кулаковскай аатынан Норуоттар доҕордоһууларын дьиэтэ”, “Пространство” хаартыска устуудьуйата,   ХИФУ, “Арктикатааҕы Култуура уонна искусство судаарыстыбаннай института “ өйөөтүлэр.

Хаартысканан быыстапканы 2023 сыл сэтинньи 1 күнүттэн 16 күнүгэр диэри “А.Е.Кулаковскай аатынан Норуоттар доҕордоһууларын дьиэтин” галереятын бастакы этээһигэр көрүөххэ сөп: Дьокуускай к., Поярков уул, 4 дь. Эрдэттэн регистрацияланан : https://vk.cc/crZXkA.

Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата

+1
2
+1
0
+1
0
+1
0
+1
0
+1
0
+1
1
Бары сонуннар
Салгыы
27 февраля
  • -30°C
  • Ощущается: -30°Влажность: 68% Скорость ветра: 0 м/с

Сообщить об опечатке

Текст, который будет отправлен нашим редакторам: