Настаабынньыктааһын — ыччаты олоххо, үлэҕэ бэлэмнээһин

РФ Бэрэсидьиэнэ Владимир Владимирович Путин кулун тутар 2 күнүн Настаабынньык күнүнэн биллэрбитэ. Саха сиригэр бу хайысханан үлэ ыытыллан эрэр. Онно Уус Алдан улууһун уопутун билиһиннэрэбит.

Кини эрэгийиэннэр салайааччыларын кытта көрсүһүүгэ этэн турар: ”Настаабынньык аатын дьон билиниитин ылбыт, ханнык эрэ хайысхаҕа  чиэстээхтик үлэлээбит, идэтийбит дьоҥҥо иҥэрэн, киэн тутта ааттыыллар.  Биэс сыллааҕыта  «Знак отличия за нас-тавничество» бэлиэни олохтообуппут, «Наставник года» сыллата бэриллэр бириэмийэни олохтуурга этии киллэрэбин. РФ эрэгийиэннэрин слайааччыларыгар туһаайан туран, настаабынньык аатын уонна балаһыанньатын үрдэтэр сыалтан, чопчу хардыылары оҥороргутугар. Тустаах киһиэхэ бэйэтигэр дойду туһугар туһалаах, суолталаах үлэтин иһин материальнай уонна моральнай бэлиэни оҥоруохха, ол курдук, настаабынньык ыыппыт үлэтигэр, сокуоҥҥа олоҕуран, эбии төлөбүрдэри аахтарыахха” диэн. 2030 сылга дылы настаабынньыктааһын сайдар кэнсиэпсийэтэ оҥоһуллан тахсыбыта.

СӨ дьахталларын XI сийиэһин кэнниттэн, Дьокуускай куоракка Светлана Ефимовна Николаева көҕүлээһининэн, Дьахталлар уопсастыбаннай тэрилтэлэрин сойууһун иһинэн настаабынньыктар сүбэлэрэ тэриллибитэ. Сүрүн сыалынан дьахталлар  түмсүүлэригэр бииргэ сибээстээхтик үлэлээһиҥҥэ көмөнү оҥоруу буолар .

2020 с. СӨ дьахталларын уопсастыбаннай тэрилтэлэрин сойууһун салайааччы А.Е. Андреева салайыытынан, аан бастаан СӨ настаабынньыктарын сүбэтэ тэриллибитэ. Онно пленум мунньаҕар бастакы салайааччынан урукку өттүгэр салайар үлэҕэ уопуттаах, киэҥ билиилээх-көрүүлээх киһини, А.Н. Божедонованы талаллар. Онтон кэлиҥҥи сылларга дьону кытта үлэҕэ уопуттаах А.В. Пермякова ананан үлэлии сылдьар. А.Н. Божедонова СӨ настаабынньыктарын сүбэтигэр солбуйар салайааччынан  үлэлии сылдьар. Уус-Алдан, Нам улуустарын куратора.

Кулун тутар 19-21 күннэригэр Бороҕоҥҥо Анастасия Николаевна кэлэн, улуустааҕы настаабынньыктар сүбэлэрин актыыбын мунньаҕар кыттыыны ылан, элбэх сүбэ-ама биэрдэ. Кыттыыны ыллылар: үөрэхтээһинтэн Троева К.Н., тыа хаһаайыстыбатыттан Белолюбскай П.П., култуураттан Окоемова В.Н., социальнайтан бэрэстэбиитэл  Сергеев И.И., ис дьыалаттан Никифоров С.В., улуус ыччакка уонна социальнай көмүскэлгэ управлениетын начаалынньыга Андросова В.И.

Улуус настаабынньыктарга сүбэтин салайааччы Говорова Н.Г., мунньаҕы улуус социальнай боппуруоска баһылыга Сторожев А.Д. салайан ыытта. Түмүгэр, настаабынньык сүбэтин актыыба бигэргэннэ.

Улуус олохтоох салайыныы дьаһалтатын, баһылыктар планеркаларыгар кыттыыны ыллыбыт. Олохтоох бэйэни салайыныы дьаһалтатын I солбуйар баһылыга Илья Юрьевич Артамонов мунньаҕы салайан ыытта.

«Саха Өрөспүүбүлүкэтигэр настаабынньыктааһыны сайыннарыы” диэн тиэмэни Анастасия Николаевна билиһиннэрдэ. 2024 сыл түмүгүнэн нэһилиэктэринэн отчуоту ырытан, Говорова Н.Г. сырдатта.

Түмүгэр, нэһилиэк баһылыктара настаабынньык сүбэтин өйөөн, биир ситим-нээхтик, былааннаан үлэлииллэригэр, 20 нэһилиэккэ настаабынньык сүбэтэ 2023 с. тэриллибититтэн, 12 нэһилиэк настаабынньыктара отчуоттарын түһэрбиттэр. Суотту нэһилиэгэр настаабынньык сүбэтэ тэриллибэтэ.

Ол курдук, маннык дьон ананнылар: Өспөх баһылыга Свешникова Л.М. настаабынньык сүбэтин салайааччы Румянцева А.Е., Бэрт-Ууһа баһылыга Ильин И.П., настаабынньык сүбэтин салайааччы Петрова В.П., Дүпсүн баһылыга Сивцев Н.Н., настаабынньык сүбэтин салайааччы Бочкарева Г.А., Хоро баһылыга Ушницкий А.А., настаабынньык сүбэтин салайааччы Кириллина К.Н., Чэриктэй баһылыга Карманов Ф.А. настаабынньык сүбэтин салайааччы Бочкарева Р.Д., Түүлээх баһылыга Винокуров С.В., настаабынньык сүбэтин салайааччы Семенова А.И., Курбуһахтан, Балаҕаннаахтан баһылык Саввинова Е.Г., Найахы баһылыга Слепцов П.А.  настаабынньык сүбэтин салайааччы Константинова З.А., II Байаҕантай баһылыга Егоров А. В., настаабынньык сүбэтин салайааччы Аргунова М.Г., Мүрү баһылыга Румянцев П.Ф., настаабынньык сүбэтин салайааччы Федоров О.Ф., Байаҕантай баһылыга Егоров С.И., настаабынньык сүбэтин салайааччы Федоров С.К.

Үөрэх управлениетыгар ветеран педагогтар мунньахтарыгар кыттыыны ыллыбыт. Онно улуус үөрэҕин начаалынньыга Литвинцев С.М улууска үөрэхтээһин  балаһыанньатын билиһиннэрдэ. Дегтярева Л.К. үөрэхтээһиҥҥэ баар кыһалҕаларга тохтоото. Троева К.Н. үөрэхтээһиҥҥэ настаабынньыктааһыҥҥа үлэ ыытылларын билиһиннэрдэ. Мунньахха кэлбит бэтэрээннэр оҕо иитиитигэр билиҥҥи турар кыһалҕаларга тохтоотулар, ол курдук,  сахалыы саҥарыы  мөлтөөн иһэрин, дьиэ кэргэҥҥэ эдэр төрөппүттэр оҕону кытта кэпсэтиилэрэ, алтыһыылара аҕыйаҕын түмүгэр, оҕо уһуйааҥҥа кэлэригэр бэлэмэ суоҕун бэлиэтээтилэр, оҕону үлэнэн иитии намтаабытын, урукку курдук оскуола аттынааҕы учаастакка үлэни тэрийии суох, оҕо тэрилтэлэригэр ыһыах үгэһин тутуһан тэрийии о.д.а. туһунан санааларын эттилэр. Түмүккэ, настаабынньыктааһыны үөрэхтээһин эйгэтигэр киэҥник киллэрэргэ этии киллэрэдилэр.

Ол күн I Хоро нэһилиэгэр тэрилтэ салайааччыларын уонна уопсастыбанньыктары, настаабынньыктары кытта көрсүһүүгэ кыттыыны ыллыбыт. Мунньаҕы баһылык Бурцев В.В салайда. Божедонова А.Н. настаабынньыктааһын сайдыытын, оруолларын билиһиннэрдэ. Говорова Н.Г. сыл түмүгүнэн настаабынньыктааһын нэһилиэктэринэн үлэтин сырдатта.

Анастасия Николаевна бэйэтин сырыытын туһунан маннык үллэстэр:
— Улууска настаабынньыктааһын үлэтин кэҥэтэн, бары нэһилиэктэргэ баһылыктар салайар оруолларын үрдэтэн, үлэни кэмигэр көрөн сибээстээн, бары  тэрилтэлэри, уопсастыбаннай түмсүүлэри түмэн, дьаһайан үлэлииллэригэр көдьүүстээх.

Улуус, нэһилиэктэр баһылыктара анаан истибиттэрэ үчүгэй. Настаабынньыктааһын  үлэтин былааннарыгар киллэрэллэригэр этилиннэ. Сорох нэһилиэктэр ылса иликтэр, үлэлиэхтэрин наада. Бары улахан управлениелар салалталара, настаабынньыктааһын үлэтин болҕомтоҕо ылан, үлэлиир хайысхаларынан үлэни тэрийэллэригэр сорудахтанна.
Нэһилиэнньэни кытта  үлэҕэ, бары бииргэ ситимнээх үлэни ыытан, нэһи-лиэктэр, улууспут сайдарын туһугар бары бииргэ буолуоҕуҥ.

Н.Г. Говорова,

СӨ настаабынньыктарын сүбэтин чилиэнэ, улуус настаабынньыктарын сүбэтин салайааччы.