Наталья Леонтьева Москва марафонугар сүүрүөҕэ

Саха сирин сүүрүүгэ сүүмэрдэммит хамаандатын биир бастыҥ спортсмена  Наталья Леонтьева 42 км Москва марафонугар сүүрэргэ бэлэмнэнэр. Бу туһунан СӨ Сүүмэрдэммит хамаандаларын бэлэмниир киин иһитиннэрэр.

Быйыл улахан тэрээһин аан дойдуутааҕы таһымнаах ыытыллар.  Наталья Леонтьева  бу саас  марафоҥҥа Арассыыйа чөмпүйэнээтин призерунан буолбута.

Наталья бу төрдүс марафона.  Аан бастаан 2014 с. кини  42 км  2 чаас 51 мүн. иһигэр сүүрбүтэ.

Москватааҕы  марафон балаҕан ыйын  21 күнүгэр буолар.  Манна  Арассыыйа эрэгийиэннэрин спортсменнарын сэргэ,  Кения, Кытай, Индия, Марокко уо.д.а. дойдулар күүстээхтэрэ кыттыахтара.