Наталья Леонтьева полумарафоҥҥа Арассыыйаҕа иккис буолла

Ярославльга ыытыллыбыт полумарафоҥҥа (21,1 км) Арассыыйа чөмпүйэнээтигэр Наталья Леонтьева үрүҥ көмүс мэтээли ылары ситистэ. Бу туһунан «Триумф» успуорка бэлэмнээх буолуу киин пресс-сулууспата иһитиннэрэр.

Наталья ыйыллыбыт уһуну 1 чаас 14 мүнүүтэ 24 сөкүүндэ бириэмэлээх кэллэ. Кини бастаабыт кэрэ аҥаартан 19 сөкүүндэнэн эрэ хаалла.

Бу күрэхтэһиигэ отучча сүүрүүк кытынна. Ол иһигэр норуоттар икки ардыларынааҕы кылаастаах успуорт маастардара, успуорт маастардара, успуорт маастарыгар хандьыдааттар сүүрдүлэр.