Хаартыска улуус киин балыыһатыттан
Ньурба улууһугар байыастарга көмөлөһөр, өйүүр тэрээһиннэр бииртэн биир солбуллан, тэрээһиннээхтик ыытылла тураллар. Ол курдук бу ый ортотугар улуус киин балыыһатын үлэһиттэрин күүһүнэн улахан кэнсиэр тэриллэн, балачча үп пуондаҕа киллэриллибитин туһунан улуус кылаабынай бырааһа Наталья Николаевна Павлова кэпсээтэ.
— Ньурба куоратын Н.И.Харитонова-Чуор аатынан «Кыталык» култуура дьиэтигэр, муус устар 14 күнүгэр, киин балыыһа бары кэриэтэ салааларын үлэһиттэрэ кыттыылаах «Айхаллан, Үлэ Киһитэ!» диэн улахан аһымал кэнсиэри доруобуйа харыстабылын идэлээх сойууһа (тэрийээччи доруобуйа харыстабылын үлэһиттэрин идэлээх сойуустарын бастакы сүһүөх тэрилтэтин бэрэссэдээтэлэ, клинико-диагностическай лаборатория сэбиэдиссэйэ Дьячковская Розалия Ивановна) үрдүк тэрээһиннээхтик ыытта. Улуус киин балыыһата уруккуттан үчүгэй уус-уран самодеятельностааҕынан биллэр. Онон биир да босхо миэстэ суох буолуор диэри билиэт барыта атыыланна. Анал пуондаҕа 126 тыһ. солк. үп киллэрилиннэ.
Кэнсиэр мэдиссиинэ үлэһиттэрин уопсай хуорунан аһылынна (хормейстер Лена Николаевна Таюрская). Кэрэ ырыаларын солистарбыт Мария Гаврильева, Владимир Григорьев, Дайана Иванова уонна вокальнай ансаамбылларбыт бэлэхтээтилэр. Маар нэһилиэгин врачебнай амбулаторията көрөөччүлэргэ монолог уонна сценка туруоран кытынна. Хаҥалас нэһилиэгин врачебнай амбулаторията фольклортан композиция туруоран кэнсиэри киэргэттэ. Дьокуускайдааҕы мэдиссиинэ кэллиэһин Ньурбатааҕы салаатын устудьуоннара үҥкүүнэн флешмобтара, Ольга Софронова үрүҥ халааттаах аанньалларга анаан суруйбут хоһоонноро, киин балыыһа уонна Чаппанда нэһилиэгин врачебнай амбулаториятын үҥкүүгэ ансаамбыллара, физиотерапевт врач Владимир Афанасьев уонна ыстаарсай медбрат Василий Иванов бииргэ үлэлээбит, олохтон эрдэ барбыт кэллиэгэлэригэр, оройуон биир бастакы анестезиолог-реаниматологар Ли-Фу Александр Сергеевичка анаабыт ырыанан дуэттара, үлэтин сулууспатыгар сылдьан ковидтан олохтон туораабыт биэлсэр Григорьева Василиса Иннокентьевнаҕа анаан хомуска дьүһүйүү уо.д.а. барыта биир тыынынан ыытылынна. Олус долгутуулаах, кэрэхсэбиллээх тэрээһин буолан, көрөөччүлэр астынан, дуоһуйан тарҕастылар.
Тэрийээччилэр бары кыттааччыларга уонна «Кыталык» КД исписэлиистэригэр өйөбүллэрин, кыттыыларын, көмөлөрүн иһин махталлара улахан.
Дьокуускайга дьиэҕэ ас тиэрдэр өҥөнү оҥорор тэрилтэҕэ бэҕэһээ, ыам ыйын 16 күнүгэр, травматическай бэстилиэтинэн ытыалаһыы…
"Кобяец" диэн позывнойдаах Саха сирин байыаһа эксклюзивнай интервьютун көрүҥ: https://youtu.be/0NhGRmtQMDU?si=0JJqSb7vfbD_itO1
Саха сирин олохтоохторугар элбэх кыбартыыралаах дьиэлэргэ хапытаалынай өрөмүөн туһунан кэпсиэхтэрэ. Бу туһунан быһа эпииргэ Хапытаалынай…
Хотугулуу-Илиҥҥи федеральнай университекка үөрэххэ туттарсааччылар биир кэлим эксээмэн баалыгар уонна эбии тургутуулар түмүктэригэр эрэ буолбакка,…
Бэҕэһээҥҥиттэн, ыам ыйын 16 күнүттэн, «Полярные авиалинии» Ми-8 бөртөлүөтэ Өлүөнэ өрүһү туоратар үлэтин саҕалаата диэн…
Дьокуускайга Киргизияттан төрүттээх эр киһи кыбартыыратыгар көҥүлэ суох сэттэ миграны бырапыыскалаабыт. ИДьМ Дьокуускай куорат 1-кы…