«NAUKA 0+» бэстибээли кэрэхсээтилэр

          Түһүлгэҕэ А.Е.Кулаковскай аатынан норуоттар  доҕордоһууларын дьиэтэ ох курдук оҥостон, бэлэмнэнэн кытынна диэн тустаах тэрилтэ пресс-сулууспатыттан иһитиннэрэллэр.

Тэрээһин сыала — наука диэн тугун уопсастыбаҕа судургутук быһаарыы, олох хаачыстыбатыгар, аныгы үйэ киһитигэр оруолун өйдөтүү. Успуорт комплексыгар науканан дьарыктанар тэрилтэлэр, үөрэх кыһалара мусутубуттар.

          Норуоттар доҕордоһууларын дьиэтэ хотугу төрүт олохтоох норуоттар олохторун-дьаһахтарын көрдөрөр, сэһэргиир уус-уран оҥоһуктарын аҕалан дьоҥҥо-сэргэҕэ билиһиннэрдилэр. Маастар-кылаастары, экспозицияны дьон олус сэргээтэ. Эбээн Бытантайтан Колесова Елена Романовна, Алексеева Валентина Васильевна уонна Өлөөн улууһун уран тарбахтаахтара киэргэллэри, харысхаллары оҥорорго үөрэттилэр. Оһуор-бичик суолтатын, төрүт олохтоох норуоттар олохторун-дьаһахтарын устуоруйатын туһунан, о.д.а. араас ыйытыылары биэрдилэр. Хоруйдары норуоттар доҕордоһууларын дьиэтин хотугу төрүт олохтоох аҕыйах ахсааннаах норуоттар сектордарын салайар  Ольга Петровна Охлопкова биэрдэ. Дьон-сэргэ тэрээһинтэн улаханнык астынан тарҕаста диэн тэрилтэ кэлэктииьэ үөрэр.

Хаартыскалар: норуоттар доҕордоһууларын дьиэтин пресс-сулууспатыттан.