Хаартыска: СИА.
Атырдьах ыйын 28 күнүгэр Ил Дархан, бырабыыталыстыба дьаһалтатын мунньаҕа буолла. Ханнык боппуруостары көрдүлэр?
Айсен Николаев федеральнай таһымҥа улахан суолталаах быһаарыылар ылыллыбыттарын бэлиэтээтэ. Уһук Илин эрэгийиэннэригэр социальна уонна инженернэй инфраструктура сайдыытын үбүлээһинин тыырыы туһунан РФ бырабыыталыстыбатын уурааҕа таҕыста. Эрэгийиэннэргэ экэнэмиичэскэй үүнүү-сайдыы кииннэрин тэрийиигэ уопсайа 6 миллиард солкуобай көрүллүбүт.
Маны тэҥэ, 2023 сылга аан дойду таһымнаах Научнай-үөрэтэр кииннэргэ граннары ылааччылар испииһэктэрэ таҕыста.
— Биһиги Научнай-үөрэтэр кииммит бэркэ үлэлээтэ. 121 мөлүйүөн 400 тыһыынча солкуобайдаах граны ылла. Бу үп атын эрэгийиэннэргэ баар партнердарбытын кытта бырайыактарга эмиэ барыаҕа. Сүрүн чааһа өрөспүүбүлүкэ научнай тэрилтэлэригэр үллэриллиэҕэ, аныгылыы тэриллэри, лабораториялары ыларга, научнай бырайыактары үлэлэтэргэ ыытыллыаҕа, — диэн Ил Дархан эттэ.
Федеральнай таһымҥа мэдиссиинэ тэриллэрин уонна ыарахан ыарыһахтары эмтииргэ, аһатарга аналлаах бородуукталары атыылаһыы бэрээдэгэ судургутуйда.
Аграрийдарга чэпчэтиилээх лизинг кыаҕа кэҥээтэ. Лизинг көрүҥүнэн бэриллэр тиэхиникэҕэ бырыссыаптары, тыа хаһаайыстыбатын бородууксуйатын таһар вагоннары, о.д.а. ылыахха сөп буолла.
Ил Дархан федеральнай таһымҥа уларыйыылары тута үлэлэтэн, түргэнник хамсанарга сорудахтаата. Ону тэҥэ, мунньахха саҥа социальнай эбийиэктэри тутуу, ойуур баһаардары умуруоруу, хаарбах туруктаах дьиэлртэн көһөрүү бырагырааматын толоруу, о.д.а. боппуруостары көрдүлэр.
Ил Дархан, бырабыыталыстыба дьаһалтатын пресс-сулууспата.
От ыйа түмүктэнэр бүтэһик күннэрэ тураллар -- бэтинсэттэн атырдьах ыйыгар үктэнэбит. Атырдьах ыйын өбүгэ саҕаттан…
От ыйын 26-27 күннэригэр Кош-Агач оройуонун Горно-Алтайскай куоратыгар Куйактанар сиргэ СӨ норуотун маастара Иван Павлов…
Аллайыаха улууһугар уу кытыытыгар быраҕыллыбыт эргэ илимҥэ дьиэ хараҥаччыта хам ылларан, мүччү-хаччы мэҥэстэн сытар этэ.…
Саха сирин хамаандата дрон күрэҕэр Уһук Илин уокуру күрэхтэһиитигэр уонна чөмпүйэнээтигэр ситиһиилээхтик кыттан, 40 баар…
Суһал иһитиннэриинэн ИДьМ сулууспатын Ленскэй улууһун отделын холуобунай ирдэбилин үлэһиттэрэ 17 саастаах олохтооҕу «Toyota Land…
Кэмпэндээйигэ "Сир уустара" төгүрүк сыл үлэлиир киин оҕолору араас хайысханан сайыннарар. Бу сайын Саха сирин…