Хаартыска "РИА новости" сайтыттан.
РФ бэрэсидьиэнэ Владимир Путин олунньу 8 күнүгэр наука уонна үөрэх сэбиэтин мунньаҕын ыытта. Дойду аҕа баһылыга доруобуйа харыстабыла, коммунальнай хаһаайыстыба, энергетика, бырамыысыланнас тас дойдулартан тутулуга суох буолуохтааҕар сүрүн болҕомтотун уурда. Бу туһунан «Кремлин.ру» сайт иһитиннэрэр.
Бэрэсидьиэн кэлиҥҥи сылларга наука, үөрэх эйгэтигэр туһуламмыт сэбиэт үгүс үлэни ыыппытын бэлиэтээтэ. Бастатан туран, туһааннаах сэбиэт науканы, үрдүк технологияны сайыннарыыга анал боломуочуйаны ылбытын эттэ. Иккиһинэн, үлэни былааннааһын төрдүттэн уларыйбытын, үсүһүнэн, министиэристибэлэр, биэдэмистибэлэр, наукаҕа, технологияҕа үлэлэһэр хампаанньалар биир ситимнээхтик үлэлииллэригэр усулуобуйа тэриллибитин, төрдүһүнэн, наукаҕа, технологиялары сайыннарыыга федеральнай бырагыраамалар, инновационнай бырайыактар бэлэмнэниллибиттэрин иһитиннэрдэ. Кини эппитинэн, бырайыактары үбүлээһиҥҥэ бүддьүөт, хампаанньалар харчыларын таһынан, Арассыыйатааҕы наука пуондата эмиэ кыттыһыаҕа.
Владимир Путин сэбиэт, бырабыыталыстыба чилиэннэрин болҕомтотун түргэнник тарҕанар ыарыылары эрдэттэн быһаарыыга уонна сэрэтиигэ туһуламмыт бырайыактары түргэнник олоххо киллэрэ охсорго уурда. Ону таһынан кини социальнай эйгэҕэ ураты болҕомто ууруохха наадатын, бу эйгэлэргэ кылгас кэм иһигэр бэйэ технологиятын киллэрэ охсорго эттэ.
— Бастатан туран, биһиги доруобуйа харыстабылыгар, олох-дьаһах, коммунальнай хаһаайыстыбатыгар, энергетикаҕа, бырамыысыланнаска, нэһилиэнньэ олоҕор куттал суох буолуутун хааччыйыыга туһуламмыт технологияларга, бородууксуйаларга сүрүн болҕомтобутун ууруохтаахпыт. Биһиги бу эйгэлэргэ тирэҕирэр бэйэбит базалаах буолуохтаахпыт. Бу хайысхаларга тас дойдулартан тутулуктанан олорорбут табыллыбат, — диэн иһитиннэрэр кини.
Хаартыска «РИА новости» сайтыттан
Саха сиригэр мууска түспүт табаны быыһаатылар. Бу туһунан @sakhahunter телеграм-ханаал иһитиннэрэр. Трасса кытыытыгар көлүччэҕэ таба…
Быйыл биллэр хаһаайыстыбанньык, бэлитиичэскэй, судаарыстыбаннай, научнай, уопсастыбаннай диэйэтэл Лазарь Степанович Филиппов 85 сааһын туолла. Сүдү…
Үс сыл аннараа өттүгэр култуура салалтатын, нэһилиэк дьаһалтатын көҕүлээһинэн саҕыллан тахсыбыт "Оһуор үҥкүүтүн уруйдуубут!" тэрээһин…
Норуот суруйааччыта Наталья Михалева-Сайа алгыстаах сааһын «Барыта баар этэ...» диэн ымыылаах ырыа киэһэтинэн бэлиэтээри бэлэмнэнэр.…
Өрөспүүбүлүкэ бары храмнарыгар Пасхатааҕы сулууспалар буоллулар. Бу сырдык бырааһынньыгы көрсө Ил Дархан Айсен Николаев Преображенскай…
Өлүөнэ өрүскэ муус сүрүннээн өрөспүүбүлүкэ иһинэн Ленскэй оройуонунан уонна Иркутскай уобалас Киренскэй уобалаһынан устар. Бүгүн…