Наум Устинов: «Уус эйгэтэ киһи ис туругун арыйар»

Өрөспүүбүлүкэ араас улуустарыттан ытык убайдарын Борис Федоровы-Мандар Ууһу норуот маастардара кэлэн  чиэстээтилэр.

Хаҥалас улууһуттан уустар түмсүүлэрин салайааччыта Наум  Устинов түмсүү кыттыылаахтарын түмэн, тэрийэн  аҕалла. Кини Нөмүгү нэһилиэгин баһылыгынан иккис болдьоҕор үлэлии сылдьар. Тимир ууһун быһыытынан быһах оҥорорго үөрэммит.

Хаҥалас улууһун уустара Борис Федоровка-Мандар Ууска үбүлүөйүнэн сибээстээн, бэрт ураты бэлэҕи ууннулар.

Бу Хотой ымыытын устуоруйатын Мандар Ууска бэйэтигэр билиһиннэрдилэр.

Ити курдук, ытыктыыр киһилэригэр кини үөлээннээхтэрэ, бииргэ алтыһан үлэлээбит дьоно үбүлээри үөрдэн, олус истиҥник, умнуллубаттык эҕэрдэлээтилэр.