«Навахту14.рф» бырайыак босхо өҥөтүнэн 2000-тан тахса Саха сирин олохтооҕо туһанна.
Бырайыак хамаандата өрөспүүбүлүкэ үрдүк дохуоттаах бырамыысыланнас уонна производственнай тэрилтэлэригэр үлэлиэн баҕалаах дьоҥҥо докумуоннары хомуйууга, анал үөрэҕи барыыга, квалификацияны үрдэтиигэ, үлэ миэстэтигэр тийиигэ көмөлөһөр.
— Биһиги сүрүн сорукпутунан олохтоох ыччаты бырамыысыланнаска сыһыарыы буолар. Ордук болҕомтону анал байыаннай эпэрээссийэҕэ сылдьыбыт ыччаттарга уурарга соруйбутум, — диэн бэлиэтээбитэ Ил Дархан Айсен Николаев.
Навахту.рф бырайыак салайааччыта Петр Чехордун » биһиги биир дойдулаахтарбыт дохуоттаах үлэҕэ сылдьалларын ситиһэр соруктаахпыт. Дьон олоҕун хаачыстыбатын тупсарыыга туһуламмыт бырайыак байыаннай эпэрээссийэттэн төннөн эрэр ыччаттарбытыгар көмөлөһөр» диэн эттэ.
Байыаннай дьайыы кыттыылааҕа Николай Осипов «Бүлүү улууһугар төрөөбүт нэһилиэкпэр остуораһынан үлэлии сылдьыбытым. 2020 сыллаахха аармыйаҕа ыҥырыллыбытым. Онтон хантарааҕынан сулууспалыы сылдьан, байыаннай эпэрээссийэҕэ кыттыбытым. Дойдубар төннөн баран, олоҕум укулаатын уларытарга сананнным. «Навахту.рф» бырайыак чэрчитинэн анал үөрэҕи ааһан, докумуон хомуйан, «Эльга» хампаанньаҕа үлэлии баран эрэбин. Онно мин табаарыһым үлэлиир. Онон саҥа кэлэктиипкэ түргэнник киирэр инибин» диэн санаатын үллэһиннэ.
Байыаннай дьайыыга кыттыбыт дьон 42 бырамыысыланнас уонна производство тэрилтэлэригэр үлэ буолуохтарын сөп. Бырайыак босхо өҥөнү оҥорор.
+7-968-154-05-08, +7914-829-81-98 төлөпүөннэргэ эрийэн уонна www.навахту14.рф саайтка суруйан сайаапка түһэриэхтэрин сөп.