Назар Петров  Доруобуйа харыстабылын министиэристибэтигэр стажировката саҕаланна

“Назар Петров биһиги ытыктыыр биир идэлээхпит, Өлөөн улууһун оройуоннааҕы киин балыыһатын кылаабынай бырааһа. Кини – байыаннай дьайыы кыттыылааҕа, Хорсун быһыы уордьанынан, “Хорсунун иһин” II истиэпэннээх мэтээлинэн уонна “Запорожье уобалаһыгар өҥөтүн иһини” II истиэпэннээх уордьанынан наҕараадаламмыта.

Биһиги Назар Иннокентьевич “Саха сирэ – дьоруойдар дойдулара” салайар каадыры бэлэмниир бырагыраама 25 кыттааччытын иһигэр киирбититтэн үөрэбит.

Стажировка былаанынан, кини министиэристибэ подразделениеларын үлэлэригэр, оробуочай мунньахтарга кыттыаҕа уонна биэдэмэстибэлэри кытары бииргэ үлэлиэҕэ. Доруобуйа харыстабылын министиэристибэтэ киниэхэ доруобуйа харыстабылын тэрийии хайысхаларын, ситэриилээх былаас уорганнарын боломуочуйаларын, үлэ хаамыытын билиһиннэриэҕэ.

Биир идэлээхпитигэр ситиһиилээх стажировканы, саҥа ситиһиилэри баҕарабыт”, — диэн  министиэристибэ иһитиннэрдэ.