АЛРОСА Бүлүүтээҕи геологическай-чинчийэр эспэдииссийэтэ Саха Өрөспүүбүлүкэтин биллэр уопсастыбаннай диэйэтэлэ, Саха АССР үтүөлээх геолога, ССРС Миниистирдэрин сэбиэтин бириэмийэтин лауреата, Арассыыйа бочуоттаах бэтэрээн-геологоразведчига, Саха Өрөспүүбүлүкэтин Үрдүкү Ытык Сүбэтин бочуоттаах чилиэнэ, Саха Өрөспүүбүлүкэтин Бырамыысыланнаска уонна геологияҕа министиэристибэтин иһинэн уопсастыбаннай сэбиэт чилиэнэ Георгий Дмитриевич Балакшин соһуччу бу олохтон туораабытынан дириҥ кутурҕанын биллэрэр.
Биһиги кэккэбититтэн көннөрү киһи буолбатах – 20 үйэ 50-70-ус сыллардааҕы геологиятын романтиктарын эпохата туораата. Кини номоххо киирбит киһи этэ уонна кини олорбут олоҕо – дойдубут устуоруйатын сүрүн уларыйыыларын, алмааһы арыйыы устуоруйатын нөҥүө ааспыт бүтүн эпоха.
Чугас киһиҥ бу күн сириттэн туорааһына — улахан хомолто уонна ыар сүтүк. Бэйэтин кэнниттэн үгүс үтүө дьыалалары хаалларан, чиэһинэйдик уонна дьоһуннук олорон ааспыт киһи туһунан сырдык өйдөбүл өлүүтээҕэр куруук күүстээх буолуоҕа.
“АЛРОСА” (ПАО) АК Бүлүүтээҕи геологическай-чинчийэр эспэдииссиэйтин кэлэктиибэ
Мииринэй куорат
Сообщить об опечатке
Текст, который будет отправлен нашим редакторам: