Кутурҕан: Георгий Дмитриевич Балакшин олохтон туораабыта биһиги хампаанньабытыгар тугунан да толоруллубат сүтүгүнэн буолла

Ытыктабылаах Марина Георгиевна, Ирина Георгиевна, Дмитрий Георгиевич, Георгий Дмитриевич дьиэ кэргэнэ, аймах-билэ уонна чугас дьоно!  

АЛРОСА хас да тыһыынча ахсааннаах кэлэктиибин уонна тус бэйэм ааппыттан биһиэхэ барыбытыгар күндү киһибит, Саха Өрөспүүбүлүкэтин биллэр уопсастыбаннай диэйэтэлэ, Саха АССР үтүөлээх геолога уонна Арассыыйа бочуоттаах геологическай чинчийии бэтэрээнэ бу Орто дойдуттан туораабытынан дириҥ кутурҕаммытын тиэрдэбит.

Бу олохтон сүҥкэн учуонай, тэрийээччи уонна ураты киһи туораата. Кини Арассыыйа геологическай  чинчийиитигэр киллэрбит дьоһун кылаатын тугунан да кэмнээбэккин. Георгий Дмитриевич алмаас салаатыгар үгүс сыллары анаабыта. Кини Алданнааҕы щиккэ бастакы икки кимберлит туруупкатын уонна Анаабыр алмаастаах оройуонугар 80 кимберлит туруупкатын арыйбыта. Саҥа геофизическэй ньымалары уонна кимберлит туруупкаларын көрдөөһүҥҥэ технологиялары туһаммыта. Ол  Юбилейная, Краснопресненская, Дачнаятуруупкалар курдук бөдөҥ уонна дьоһун баайдаах сирдэри арыйыыга тиэрдибитэ. 1998-2018 сылларга АЛРОСА геологическай-чинчийэр эспэдииссийэлэригэр сүрүн геофизик быһыытынан Георгий Дмитриевич сир баайын туһаныы эбийиэктэрин лиссиэнсийэлээһин боппуруостарын,геологическай сорудахтары, отчуоттары уонна Саха сирин арҕаа өттүнээҕи алмаас баайдаах сирдэри көрдөөһүнү уонна чинчийиини   ситиһиилээхтик быһаарбыта.

Георгий Дмитриевич Балакшин геологическай чинчийиигэ сүҥкэн кылаата үгүс ахсааннаах судаарыстыбаннай наҕараадаларынан, бириэмийэлэринэн уонна бочуоттаах ааттарынанбэлиэтэммитэ, оттон 2023 сыллаахха кини аата биһиги хампаанньабыт хостообут 59,74 карааттаах ураты алмааһыгар иҥэриллибитэ.

Бэйэтин киэҥ билиитинэн, уопутунан уонна тэрийэр талаанынан Георгий Дмитриевич куруук аптарытыатынан уонна ытыктабылынан геологическай чинчийиини баһылаабыт бир идэлээхтэригэр, өрөспүүбүлүкэ олохтоохторугар үрдүк аптарытыаттааҕа. Бу чулуу киһи олохтон туораабыта биһиги хампаанньабытыгар тугунан да толоруллубат сүтүгүнэн буолла.

АЛРОСА кэлэктиибэ эһигини, доҕотторун уонна Георгий Дмитриевич биир  идэлээхтэрин кытта ыар кутурҕаҥҥытын тэҥҥэ үллэстэр.

Павел Маринычев, “АЛРОСА” (ПАО)АК генеральнай дириэктэрэ – бырабылыанньа бэрэссэдээтэлэ