Нэдиэлэ бүтэһик күннэригэр сыыйа тымныйара күүтүллэр

Үлэ нэдиэлэтин бүтэһик күннэригэр, сэтинньи 14-15 күннэригэр, киин улуустарга түүн -22-32°С кыраадыска тиийэ тымныйыа, үгүс улуустарынан хаар түһэрэ күүтүллэр диэн Саха сирин синоптиктара билгэлииллэр.

Саха сирин үгүс улуустарынан хаардыыра, соҕуруу хаар, кыра тыал, сөкүүндэҕэ 9-14 м. түргэннээх күүстээх тыал, буурҕа түһэрэ сабаҕаланар.

Салгын температурата сэтинньи 14 күнүгэр, чэппиэргэ, түүн -22-27°С, хотугулуу-илин алын тардыытынан -38-43°С, өрөспүүбүлүкэ арҕаа, соҕуруу өттүгэр -10-15°С, былыта суох буоллаҕына -20-25°С. Күнүс -15-20°С, арҕаа, хотугулуу-илин -10-15°С.

Сэтинньи 15 күнүгэр, бээтинсэҕэ, былыта суох буоллаҕына -27-32°С, арҕаа -20-25°С,  былыта суох буоллаҕына -25-30°С, хотугулуу-арҕаа -35-40°С кыраадыс тымныы буолара күүтүллэр. Күнүс хотугулуу-арҕаа -25-30°С кыраадыс тымныы.