Нэдиэлэ иһигэр икки сүүстэн тахса психологическай көмө оҥоһулунна

Ааспыт нэдиэлэҕэ өрөспүүбүлүкэҕэ уонна Донааҕы Ростовка госпиталларга байыаннай дьайыы кыттыылаахтарыгар, кинилэр дьиэ кэргэттэригэр, уопсайа 180 киһиэхэ психологтар көмөлөрө оҥоһулунна.

200-тэн тахса биирдиилээн уонна бөлөҕүнэн психологическай үлэлэр ыытылыннылар. Ол иһигэр иккистээн ыытыллар сүбэлэр-амалар, дьарыктар киирэллэр. Бу туһунан өрөспүүбүлүкэтээҕи психологическай киин дириэктэрин солбуйааччы Анатолий Кузьмин иһитиннэрдэ.

—Өссө төгүл санатан эттэххэ, психолог сүбэтигэр-аматыгар, көмөтүгэр бэйэлэрэ баҕалаахтар кэлэллэр. Өскөтүн оҕоҕо, улаатан эрэр оҕоҕо сүбэ-ама наада буоллаҕына, аан бастаан төрөппүттэри эбэтэр сокуоннай бэрэстэбиитэллэрин кытта көрсөн кэпсэтии ыытыллар. Хас биирдии туспа быһыыны-майгыны көрөн, психолог улахан киһиэхэ иһитиннэрэр-биллэрэр сүбэни-аманы ыытыан, салгыы көрсөр туһунан эбэтэр дьиэ кэргэнинэн бииргэ көрсөн кэпсэтэр туһунан этиэн сөп. Биһиги көмөбүтүгэр, өйөбүлбүтүгэр наадыйар дьон ааттара-суоллара кистэлэҥҥэ тутуллар. Хос, атын аат (псевдоним) ылыахтарын эмиэ сөп, — диир киин дириэктэрин солбуйааччы.

Сүбэ-ама ылыан баҕалаахтар бу нүөмэргэ эрийэллэр: 8 (4112) 31-91-09 (үлэ чааһыгар). Киин филиалларын нүөмэрдэрин мантан чопчулаһыахха сөп. Маны таһынан бу нүөмэргэ эрийиэххэ сөп: 8-800-100-35-50 эбэтэр 122, салгыы 6 уонна 2.

Сиһилии: https://www.sakha.gov.ru/news/17481

СӨ Ил Дарханын уонна Бырабыыталыстыбатын пресс-сулууспата