Нэдиэлэ иһигэр суол быһылааныгар түбэһэн 17 киһи эчэйдэ

Дьокуускайга нэдиэлэ иһигэр 89 суол быһылаана тахсыбыт. Ол иһигэр 14 быһылааҥҥа 17 киһи араас эчэйиини ылбыта биллэр. Бу туһунан бүтүн куораттааҕы планеркаҕа иһитиннэрдилэр.

ГИБДД үлэһиттэрэ суол быраабылатын кэһии 1011 түбэлтэтин арыйдылар, 48 суоппар арыгы иһэн баран уруулга олорон тутулунна.

Итиэннэ 34 оптуобустан 14-дэ техосмотру ааспатах.