Хаартыска: Госавтоинспекция пресс-сулууспата
Нэдиэлэ саҕаланыытыттан Дьокуускайга биэс суол саахалыгар түөрт киһи эмсэҕэлээбитэ регистрацияланна. Мантан үс киһи оптуобус пассажирдара уонна биир сатыы киһи буолара биллэр. Оттон Саха сирин үрдүнэн 10 суол быһылаана бэлиэтэннэ, ол түмүгэр биир киһи өлбүт, онтон уон киһи араас эчэйиини ылбыт. Бары чахчыларынан бэрэбиэркэ ыытыллар.
Бастакы суол саахала Богдан Чижик аатынан уулусса оройуонугар буолбут. Маршрутнай оптуобус суоппара пассажирдары таһарыгар аанын саппатах. Ол кэмҥэ оптуобус салонуттан 62 саастаах дьахтар охтубут уонна араас эчэйиини ылбыт.
Өссө биир оптуобус Михаил Николаев аатынан проспекка саахалга түбэспит. «ПАЗ 32054» Дежнев уулусса өттүттэн айаннаан иһэн таһаҕас тиэйэр массыынаҕа киирэн биэрбит, онтон Toyota Corolla Fielder массыынаны таарыйбыт. Саахал түмүгэр оптуобус икки пассажира араас эчэйиилээх балыыһаҕа киирбиттэр.
Оттон Поярков уулуссаҕа 32 саастаах эр киһини түҥнэри көппүттэр. Суоппар суол быһылаана тахсыбыт миэстэтиттэн куоппут. Ол туһунан Госавтоинспекция пресс-сулууспата иһитиннэрэр.
Уһун кыһынтан, дьиэҕэ олорортон хал буолбут Саха сирин олохтоохторо сылаас өрөбүл күннэри баттаһа айылҕаҕа талаһабыт,…
Турцияҕа эр дьон уонна дьахталлар ортолоругар 64-дуобакка Европа чөмпүйэнээтэ буола турар. [gallery ids="205465,205467"] Чөмпүйэнээт үс…
Киин куорат ИДьМ 4 №- дээх полициятын дьуһуурунай чааһыгар эр киһи курткатын уонна суотабай төлөпүөнүн…
2025 сыллаахха Мииринэй 70 сыллаах үбүлүөйүн бэлиэтиэҕэ. Үбүлүөйү көрсө суоллары саҥатытар улахан бырайыак саҕаланан эрэр.…
Саха сирин Экэниэмикэҕэ миниистирин бастакы солбуйааччыта Мария Аргунова муус устар 18 күнүгэр «Былааһы кытта кэпсэтии»…
Быһа барыллаан Саха сиригэр ыам ыйыгар салгын температурата нуорманы таһынан үрдүк буолара сабаҕаланар. Бу туһунан…