Нэдиэлэ устата байыастарга  30-тан тахса аадырыстаах баһыылканы тиэртилэр

Донецкай Норуодунай Өрөспүүбүлүкэтин уонна Белгородскай уобалас сирдэригэр-уоттарыгар баар тирэх пууннар үлэһиттэрэ бу күннэргэ Саха сириттэн сылдьар  байыастарга 30-тан тахса аадырыстаах баһыылканы тиэртилэр.

Бу туһунан бүгүн брифиҥҥэ Саха сириттэн  байыаннай дьайыы ыытыллар сиригэр баар тирэх пууннарын сүрүн координатора Юстас иһитиннэрдэ.

«Байыастарбытыгар аадырыстаах баһыылкалары тиэрдэр сыалтан, үлэһиттэр нэдиэлэ устата 16 сырыыны оҥордулар. Мэхээньиктэр бөлөҕө байыаннайдар биир массыыналарын өрөмүөннээн, үлэҕэ киллэрдэ. Өрөмүөннүүр бөлөх өссө түөрт массыынаны өрөмүөннүү сылдьар», – диэн Юстас кэпсээтэ.

Кини этэринэн, өрөспүүбүлүкэ тирэх пууннара Саха сириттэн сылдьар байыаннай сулууспалаахтарга гуманитарнай көмөнү оҥоро кэлбит Амма улууһун дэлэгээссийэтин арыаллааһынын эмиэ хааччыйдылар.