Нэдиэлэтээҕи гороскоп: ахсынньы 13-20 күннэрэ

ХОЙ

Айар үлэҕэр табыллар кэм. Бу кэмҥэ санаа көтөҕүллүөн сөп. Салалтаҕар бэйэҕин үчүгэй өттүнэн көрдөрөн хайҕаныаххын сөп. Харчыга сыһыаннаах дьыалаҕа харыстабыллаах буол.

ОҔУС

Үп-харчы дьыалатыгар ситиһии күүтэр. Бэлэх-туһах атыылаһарга, сиппэтэх дьыалаҕын ситэрэргэр тоҕоостоох кэм. Бириэмэҕин сатаан аттарына сатаа, ыгым соҕус нэдиэлэ үүммүт.

ИГИРЭЛЭР

Тус сыһыаҥҥа болҕомто ууруоххун наада. Урукку өттүгэр үлэҕэр-хамнаскар ситиһии сиэттиспит буоллаҕына, бу сырыыга тапталга табыллар кэм буолбут. Сөбүлүүр киһиҥ болҕомтотун ууран долгутуо.

АРААК

Бу кэмҥэ сэрэйэн көрөр дьоҕуруҥ сайдыаҕа. Сөптөөх быһаарыныы ылыныыҥ үлэҕэр ситиһиини түстүөҕэ. Тус сыһыаҥҥа болҕомтолоох буол. Ким эрэ эйигин албынныырын, балыйа сатыырын тута билиэҕиҥ.

ХАХАЙ

Сөбүлүүр дьарыккынан үлүһүйүөҥ. Бу үлүһүйүүҥ харчыны да кытта ситимнээх буолуон сөп. Бу күннэргэ билсиспит дьоҥҥун кытта кытаанах сибээһи туттаххына, кэлин туһалыан сөп.

КЫЫС

Өй-санаа өттүнэн сиппит-хоппут кэмиҥ. Үөрэҕи да ылыныыҥ онон чэпчэкитик ааһыаҕа. Атын киһи кистэлэҥин алҕас билиэххин сөп, бу кистэлэҥи ыһа-тоҕо кэпсиир сатаммат.

ЫЙААҺЫН

Кэпсэтии, дьону кытта алтыһыы чэпчэкитик ааһар. Саҥа дьыалабыай көрсүһүүлэр ситиһиини түстүүллэр. Соһуччу бэлэх тутан долгуйуоххун эбэтэр таптыыр киһиҥ болҕомтото үөрдүөн сөп.

СКОРПИОН

Аймахтары, чугас дьону кытта сыһыан бөҕөргүүр. Дьону кытта эйэлээх сыһыаны олохтуурга дьулуһуоҥ. Бу күннэргэ ситиһии бары дьыалаҕар сиэттиһэр.

ОХЧУТ

Айан табыллар кэмэ. Бу кэмҥэ алтыспыт дьонуҥ чугас доҕотторго кубулуйуохтарын сөп. Ол эрээри ис санааҕын ыһа-тоҕо кэпсээмэ, ситэ билбэт дьоҥҥор аһары эрэнимэ.

ЧУБУКУ

Үлэҕэр-хамнаскар ситиһии күүтэр. Бу күннэргэ бары дьыалаҕын, тус олоххун барытын былаанныаххын наада. Ситиһии бары дьыалаҕар көстөр, быһаарыылаах буолуу элбэх дьыалаҕын быһаарарын умнума.

КҮРҮЛГЭН

Кэпсэтии үөрүүнү түстүүр. Ол эрээри аһары аһаҕас буолаҥҥын тус олоххор ыарахаттары көрсүөххүн сөп. Оттон үлэҕэр-хамнаскар салалтаҥ үлэҕин-хамнаскын сыаналыыр, онон дуоһунаһыҥ да үрдүөн, хамнаһыҥ да эбиллиэн сөп.

БАЛЫКТАР

Үлэҥ сыаналанар кэмэ. Ыраах айаныҥ ситиһиини түстүүр. Санааҥ көтөҕүллэр, дьиэ кэргэҥҥэр барыта эриэ-дэхси. Ис талааныҥ арыллан тугу санаабыккын олоххо киллэриэххин сөп. Үп-харчы да кэлэн үөрдүө, оҕолор ситиһиилэрэ эрэли үөскэтиэ.