НЭДИЭЛЭТЭЭҔИ ГОРОСКОП: АХСЫННЬЫ 19 – 26 КҮННЭРЭ

Хой

Бу нэдиэлэҕэ күүстээх Меркурий эн бэлиэҕэр төннүөҕэ. Ону кытта ситиһии, табыллыы, баҕа санаа туолуута аргыстаһыа. Ол эрээри нэдиэлэ ортото бэйэни туттуна сырыт.

Оҕус

Дьыалаҕа-куолуга ылсарга, саҥаны саҕалыырга тоҕоостоох кэм. Үп-харчы дьыалата ордук табыллыаҕа.

Игирэлэр

Айар эйгэлээх игирэлэргэ табыллар кэм. Сиртэн тэйэн ырааҕы, кэрэни саныыр буолуоххун сөп. Онон күннээҕи кыһалҕаны сөпкө быһаарарга бэйэ бодотун тардынар наада.

Араак

Нэдиэлэ устата толкуйдуур, ырытар дьоҕуруҥ күүскэ сайдыаҕа. Онон уустук боппуруостары быһаараргар саамай тоҕоостоох кэм буолууһу.

Хахай

Нэдиэлэ саҥата тулуурдаах буол. Кыра аайы кыыһыраргын тохтот. Дьону кытта эйэлээх эйгэни олохтуурга кыһан.

Кыыс

Сулустар эйиэхэ сыһыаннара үчүгэй. Ыксаабакка сөпкө сааһыланнаххына, үгүһү ситиһиэҥ. Үп-харчы дьыалатыгар болҕомтолоох буол.

Ыйааһын

Туохтан эрэ санаарҕыыгын, кыраттан да үөрэҕин. Кими эрэ сөбүлээн да кэбиһиэххин сөп. Ол эрээри сүрэххин буолбакка, өйгүн истэриҥ наада.

Скорпион

Дьону наар уорбалыыр, сытыы тылгынан хаарыйар соччото суох. Дьону кытта үтүө сыһыаны олохтооһун бэйэҕэр үтүөнэн эргийэрин умнума.

Охчут

Нэдиэлэ саҥата чуумпура түс. Аһары көхтөөх буолуу туһаны аҕалбат. Ол кэриэтин тус олоххор күүскүн-уоххун уурдаххына, элбэҕи ситиһиэххин сөп.

Чубуку

Дуогабар түһэрсиигэ, кэпсэтиигэ, санааны сайа этиигэ саамай сөптөөх нэдиэлэ үүммүт. Онон ситиһиилээх нэдиэлэҕэ хамсанан хаал.

Күрүлгэн

Дьону кытта сыһыан тыҥаабыт. Ордук дьахтар аймаҕы кытта сатаспат буолуу бэлиэтэнэр. Ол эрээри санааҕын түһэрбэккэ, оҥорбут дьыалаҕын, санааҕын ситэрэр ордук.

Балыктар

Ис санааҥ тугу этэрин иһит. Уустук да боппуруоска бэйэҥ санааҥ, сэрэйэн көрөр дьоҕуруҥ тугу ыйарын истэриҥ бу күннэргэ улахан суолталаах.