Нэдиэлэтээҕи гороскоп (ахсынньы 26-тохсунньу 2 күннэрэ)

Хой

Бу нэдиэлэ саҕаланыыта улахан дьыалаҕа ылсыма, туттуна сырыт. Ол эрээри, уһун кэмнээх былааннары санааҕар сааһылыы сырыт. Тус олоххор улахан уларыйыы суох.

Оҕус

Саамай ситиһиилээх кэм саҕаламмыт. Элбэх саҥа этиилэр киириэхтэрэ. Сыта-тура толкуйдаа. Дьиэ кэргэҥҥэр бырааһынньык настарыанньатын киллэрэргэ эрдэттэн кыһан.

Игирэлэр

Сыл бүтэһик нэдиэлэтин кэмигэр баҕа санааларгын олоххо киллэрэ сатаа. Бу барыта бэйэҕиттэн тутулуктаах. Доруобуйаҥ этэҥҥэ.

Араак

Тулалыыр дьонуҥ сыһыаннара уларыйыаҕа. Эйигин атын харахтарынан көрүөхтэрэ. Бэйэҕин үтүө өттүнэн көрдөрө сатаа, уопсай тылы буларга кыһан. Сыл бүтэһик нэдиэлэтигэр тулуурдаах буолуу ирдэнэр.

Хахай

Санааҕар, толкуйгар болҕомтолоох буол. Тугу санаабытыҥ туолан хаалыан сөп. Онон чугас дьоҥҥун кытта сыһыаны уустугурдума. Доруобуйаҕар эмиэ кыһаныаххын наада.

Кыыс

Бэйэни сайыннарыынан дьарыктаныаххын наада. Ол эрээри, бырааһынньык тыынын дьиэ кэргэҥҥэ эн эрэ киллэрэр кыахтааххын. Туохха да бириэмэҥ тиийбэт курдук буолуоҕа. Онон сөптөөхтүк аттарыныы туһаны аҕалыа.

Ыйааһын

Соҕотохсуйбуккун, ким да өйдөөбөт курдук санаалар киириэхтэрэ. Бэйэҕэр эрэлгин сүтэрэн ылыаххын сөп. Ол эрээри, бу сотору ааһыаҕа. Саҥа дьыл иннинээҕи санаа түһүүтэ сааһыланаргар туһалыаҕа.

Скорпион

Быһаарыныы ылынаргар кыһалҕаны көрсүөҥ. Бэйэҥ сыалгын-соруккун ситиһэргэр туохтан да иҥнимэ. Быстах санааҕа ылларар туһаны аҕалбат.

Охчут

Бары дьыалаҕын ситэн бырааһынньык тыынын дьэ билэн барыаҥ. Соһуччу көрсүһүүлэр, үөрүүлэр күүтэллэр. Ситиһии да баар.

Чубуку

Күннээҕи олохтон аһара сылайбыккын. Сөптөөх сынньалаҥ наада. Санааҕын атастаһар, иһирэхтик кэпсэтэр киһи суоҕуттан ардыгар чуҥкуйаҕын. Нэдиэлэ ортото быһаарыныы ылынарыҥ ситиһиилээх буолуо.

Күрүлгэн

Бэйэҕин аһара өрө тутаҕын, аһынаҕын. Кыраны да оҥордоххуна, тутум үрдүү түһэҕин. Онон арыый сэмэй буолуу буортуну оҥорбот. Нэдиэлэ бүтүүтэ үлэҕэр үөрүүлээх түгэн тосхойуо, хайҕаныаххын сөп.

Балыктар

Балык бэлиэлээх дьон номнуо саҥа сылга үктэммит курдук сананаллар. Бүтэһик нэдиэлэ этэҥҥэ ааһыаҕа. Чугас аймахтаргыттан үтүө сонуннар кэлиэхтэрэ, үөрүөҥ-көтүөҥ.