Нэдиэлэтээҕи гороскоп: ахсынньы 7 – ахсынньы 14 күннэрэ

ХОЙ

Уларыйа турар күннэр үүммүттэр. Нэдиэлэ саҥата туох барыта сатанар, чэпчэкитик табыллар. Оттон нэдиэлэ икки аҥаарыттан доруобуйаҕар соччото суох кэм саҕаланыан сөп. Онон доруобуйаҕын эрдэттэн көрүнэ, иммунитеккын бөҕөргөтүнэ сырыт.

ОҔУС

Өрө тыынар, кыратык да буоллар сынньанар кэмиҥ үүммүт. Иллэҥсийбиччэ арай тугу да гынарыҥ суох курдук буолан хаалыа, ол эрээри, бу кэми туһалаахтык атаарарга дьулус.

ИГИРЭЛЭР

Сүпсүлгэн кэмэ. Туох барыта эн үрдүгүнэн курдук саныаҕыҥ. Эппиэтинэстээх дьыалаҕа ылсыаҕыҥ. Онон болҕомтолоох буолуу ирдэнэр. Оттон дьиэ кэргэҥҥэр кыра аайыттан
тымтан кыыһыраргын тохтот, чугас дьоҥҥун тэйитиэххин сөп.

АРААК

Көлүөһэ үрдүттэн түспэккин, сырыы-айан, олох күөстүү оргуйар. Кыратык тыын ылан олоро түһэргэр уолдьаспыт. Эйигин кытта наллаан олорон чугас дьонуҥ инники былааннарын
ырытыһыахтарын саныыллар эбит. Болҕомто уурар наада буолбут.

ХАХАЙ

Күнүн тахсар кэмэ. Доҕотторуҥ өйүүллэр. Санаабыт санааҕын олоххо киллэрэргэр тоҕоостоох кэм. Дьиэ кэргэн тэринэргэ үтүө кэм. Саҥа дуогабар түһэрсэн барыһырыаххын сөп.

КЫЫС

Былааннаргын олоххо киллэрэр туһуттан сып-сап хамсанан ис. Эйигин дьон истэр, ылынар кэмэ. Онон туохтан да куттаммакка, инниҥ диэки баран ис. Айар үлэҕэр тоҕоостоох кэм.

ЫЙААҺЫН

Санаа-оноо баттыга буолбуккун. Кыра да кыһалҕаны уустугурдар адьынаттааххын. Ол эрээри, санааҕын сааһылана үөрэннэххинэ, барыта сатаныаҕа. Элбэхтэ салгыҥҥа сырыт, битэмиин иһэҥҥин доруобуйаҕын бөҕөргөт.

СКОРПИОН

Дьиэ-уот кыһалҕата ыкпыт. Харчыга да кыһалҕа үөскүөн сөп. Ити харгыстары туоруурга саҥа бырайыактары, биисинэс туһунан толкуйдуургар уолдьаспыт. Чугас дьонуҥ ардыгар санааҕын өйдөөбөт, санааҕын сааһылаан этэргэ үөрэнэ сатаа.

ОХЧУТ

Дьону кытта сыһыаннаһыыга урукку өттүгэр уустуктары көрсүбэт бэйэҥ, тоҕо эрэ ыарырҕатар буолбуккун. Ити эйигиттэн наһаа элбэҕи эрэйэллэриттэн тахсыан сөп. Бэйэҥ ис санааҕынан салайтара үөрэн.

ЧУБУКУ

Уустук кэм бүрүүкээбит. Үпкэ-харчыга ыктарыы, чугас дьону кытта өйдөспөт буолуу көстөр. Атын дьон кыһалҕатын эмиэ сатаан истэ, ылына үөрэннэххинэ, олоххо көрүүҥ уларыйыаҕа.

КҮРҮЛГЭН

Эйигиттэн сылтаан чугас дьонуҥ икки ардыгар иирсээн тахсыан сөп. Икки уот икки ардыгар киирбэт гына толкуйдаан сырыт. Айылҕаҕа сылдьыы туһалыа.

БАЛЫКТАР

Бэйэҕин иһиллэнэр кэмиҥ. Ис санааҥ тугу этэрин иһит. Сөбүлүүр киинэҕин көрөн, кинигэ ааҕан дуоһуйуоҥ. Дьону кытта сыһыаннаһыыга сэрэхтээх буол, элбэх дьонноох сиргэ сылдьартан туттунарыҥ ордук