Хой
Уһуну-киэҥи толкуйдуур кэмиҥ кэлбит. Ардыгар наһаа күннээҕинэн олорор курдуккун. Ылсыбыт дьыалаҕын тиһэҕэр тиэрдибэт эбиккин. Онон бу күннэргэ арыый эппиэтинэстээх буоларга кыһан.
Оҕус
Дьоҥҥо сыһыаҥҥын көрүнэ сырыт. Ардыгар наһаа итэҕэйимтиэ буолар эбиккин. Докумуоҥҥа эппиэтинэстээх соҕустук сыһыаннас. Нэһилиэстибэ эбэтэр дьиэ атыылаһар докумуоҥҥа сэрэхтээх буол.
Игирэлэр
Үлэҕэр-хамнаскар төһө да ыгым күннэр үүммүттэрин иһин, нэдиэлэ бүтүүтэ үчүгэй сонуну истэн үөрүөҥ. Бириэмийэ эбэтэр наҕараада ылан соһуйуоҥ. Дьиэ кэргэҥҥэр аҕам саастаах дьоҥҥор болҕомто ууруоххун наада.
Араак
Көлүөһэ үрдүттэн түспэккин, сырыы-айан, олох күөстүү оргуйар. Кыратык тыын ылан олоро түһэргэр уолдьаспыт. Эйигин кытта наллаан олорон чугас дьонуҥ инники былааннарын ырытыһыахтарын саныыллар эбит. Болҕомто уурар наада буолбут.
Хахай
Күнүҥ тахсар кэмэ. Доҕотторуҥ өйүүллэр. Санаабыт санааҕын олоххо киллэрэргэр тоҕоостоох кэм. Дьиэ кэргэн тэринэргэ үтүө кэм. Саҥа дуогабар түһэрсэн барыыһырыаххын сөп.
Кыыс
Былааннаргын олоххо киллэрэр туһуттан сып-сап хамсанан ис. Эйигин дьон истэр, ылынар кэмэ. Онон туохтан да куттаммакка иннин диэки баран ис. Айар үлэҕэр тоҕоостоох кэм.
Ыйааһын
Санаа-оноо баттыгар ылларбыккын. Кыра да кыһалҕаны уустугурдар адьынаттааххын. Элбэхтэ салгыҥҥа сырыт, битэмиин иһэҥҥин доруобуйаҕын бөҕөргөт.
Скорпион
Дьиэ-уот кыһалҕата ыкпыт. Харчыга да кыһалҕа үөскүөн сөп. Ити харгыстары туоруурга саҥа бырайыактары, биисинэс туһунан толкуйдуургар уолдьаспыт. Чугас дьонуҥ ардыгар өйдөөбөт, санааҕын сааһылаан этэргэ үөрэнэ сатаа.
Охчут
Дьону кытта сыһыаннаһыыга урукку өттүгэр уустуктары көрсүбэт бэйэҥ, тоҕо эрэ ыарырҕатар буолбуккун. Ити эйигиттэн наһаа элбэҕи эрэйэллэриттэн тахсыан сөп. Бэйэҥ ис санааҕынан салайтара үөрэн.
Чубуку
Уустук кэм бүрүүкээбит. Үпкэ-харчыга ыктарыы, чугас дьону кытта өйдөспөт буолуу көстөр. Атын дьон кыһалҕатын эмиэ сатаан истэ, ылына үөрэннэххинэ, олоххо көрүүҥ уларыйыаҕа.
Күрүлгэн
Эйигиттэн сылтаан чугас дьонуҥ икки ардыгар иирсээн тахсыан сөп. Икки уот икки ардыгар киирбэт гына толкуйдаан сырыт. Айылҕаҕа сылдьыы туһалыа.
Балыктар
Хомолтоҕун уһуннук сүрэххэр илдьэ сылдьар айылгылаах эбиккин. Ити хаачыстыбаҕыттан аккаастанарыҥ ордук. Дьиҥэ дьон эйигин наһаа сөбүлүүр эбит.
Cаҥа дьылы кэтэһии бырааһынньыктааҕар ордук үчүгэй, күүтүүлээх, күндү курдук буолар. Оннук күндү кэтэһиини биһиги бэйэбит…
Ыйытыыга Арассыыйа ФНС Саха Өрөспүүбүлүкэтигэр управлениетын 1 разрядтаах исписэлииһэ Пелагея Гуляева маннык хоруйдаата: — Арассыыйа ФНС саайтыгар…
Быйыл 3-тэн 79-гар диэри саастаах нэһилиэнньэ уопсай ахсааныттан физическэй култууранан уонна успуордунан систиэмэлээхтик дьарыктанар дьон…
РИА Новости ааҕан-суоттаан таһаарбытынан, эһиил дойдуга сааһынан страховой биэнсийэ барыларыттан ордук Чукоткаҕа үрдүөҕэ, онно эбиллиитэ…
Дьокуускай куорат борокуратуурата киин куорат икки олохтооҕун туһунан судаарыстыбаннай буруйдааһыны өйөөтө. Кинилэр РФ ХК 126-с…
Бүгүн, ахсынньы 20 күнүгэр, Дьокуускай куоракка өрөспүүбүлүкэ бары муниципальнай оройуоннарыттан уонна куорат уокуруктарыттан 8-11 кылаас…